16 ఏళ్ల బాలికపై వర్చువల్‌గా ఆన్‌లైన్ మెటావర్స్‌లో సామూహిక అత్యాచారం

యునైటెడ్ కింగ్‌డమ్‌లో ఒక విచిత్రమైన కేసు నమోదయ్యింది. వర్చువల్‌ ఆన్‌లైన్ గేమ్ ‘మెటావర్స్’లో తనపై సామూహిక అత్యాచారం జరిగినట్లు 16 ఏళ్ల బాలిక ఫిర్యాదు చేసింది. దీంతో కేసు నమోదుచేసిన పోలీసులు.. దర్యాప్తు చేస్తున్నట్లు తెలిపారు. వర్చువల్ రియాలిటీ గేమ్‌లో బాధిత బాలిక డిజిటల్ అవతార్, డిజిటల్ క్యారెక్టర్‌పై ఆన్‌లైన్‌లో అపరిచిత వ్యక్తులతో సామూహిక అత్యాచారానికి గురైంది. ఆన్‌లైన్ గేమ్‌లో లీనమై ఉండగా.. కొంతమంది ఆ క్యారెక్టర్‌పై ఆన్‌లైన్‌లో అత్యాచారానికి పాల్పడ్డారు. అయితే, వాస్తవంగా ఆమెపై అత్యాచారం జరగకున్నా, ఎలాంటి భౌతిక గాయాలు కాకున్నా తాను అత్యాచారానికి గురైనట్లు టీనేజర్ మానసిక బాధను అనుభవిస్తున్నట్లు పోలీసులు వెల్లడించారు.

కాగా, పోలీసులు దర్యాప్తు చేస్తున్న మొదటి వర్చువల్ లైంగిక నేరం ఇదే అని భావిస్తున్నారు. ‘తనపై శారీరకంగా అత్యాచారం జరగకపోయినా మానసికంగా ఆమె బాధను అనుభవిస్తోంది.. తనపై అత్యాచారం జరిగినట్టే భావిస్తోంది.. ఇది ఎక్కువ కాలం ఆమెపై ప్రభావం చూపించే అవకాశం ఉంది’ అని ఓ సీనియర్ పోలీస్ అధికారి చెప్పారు. అయితే, ప్రస్తుతం ఇలాంటి కేసులపై ప్రత్యేకంగా చట్టాలు లేవని, దీంతో ఈ కేసులో అనేక సవాళ్లు ఎదురవుతున్నాయని ఆయన వివరించారు. కానీ, బాధితురాలు ఏ గేమ్ ఆడుతుందనేది అస్పష్టంగా ఉందని పేర్కొన్నారు. ఇలాంటి సంచలన కేసు దర్యాప్తు విషయంలో వర్చువల్ నేరాలను కొనసాగించాలా..? వద్దా.? అనే ప్రశ్నలు ఉత్పన్నమవుతున్నాయి. ప్రస్తుతం పోలీసులు, ప్రాసిక్యూటర్‌లు నిజమైన అత్యాచార కేసుల దర్యాప్తులో జాప్యంతో పోరాడుతున్నారు. ఇదిలా ఉండగా, ఈ కేసుపై యూకే హోం సెక్రటరీ జెమ్స్ క్లివర్లీ మాట్లాడుతూ.. బాలిక సెక్సువల్ ట్రామాలోకి వెళ్లిందని అన్నారు. ‘ఇది నిజం కాదని కొట్టిపారేయడం చాలా సులభం అని నాకు తెలుసు.. కానీ ఈ వర్చువల్ పరిసరాల మొత్తం అంశం ఏమిటంటే అవి చాలా లీనమయ్యేవి’ అని వివరించారు.

పిల్లలను డిజిటల్‌గా అలాంటి గాయం నుంచి తీసుకురావడానికి ఇష్టపడే ఎవరైనా భౌతికంగా భయంకరమైన పనులు చేయగల వ్యక్తి కావచ్చునని గ్రహించడం కూడా విలువైనదే. హారిజోన్ వరల్డ్‌లో వర్చువల్ సెక్స్ నేరాలపై అనేక నివేదికలు వచ్చాయి. ఇది మెటా నిర్వహించే ఉచిత వీఆర్ గేమ్ అనే ఆరోపణలు వెల్లువెత్తాయి. అయితే, మా వేదికలో ఇలాంటి వాటికి స్థానం లేదని, మా వినియోగదారులకు ఆటోమెటిక్ రక్షణ ఉంటుందని, అపరిచిత వ్యక్తుల్ని దూరంగా ఉంటచుతుందని మెటా ప్రతినిధి చెప్పారు. మెటావర్సెస్ అనేది అనేక టెక్నాలజీలతో రూపొందుతుంది. మీరు వర్చువల్ మ్యూజియాన్ని సందర్శించినా, వర్చువల్ గేమ్ ఆడినా మెటావర్స్‌ను అనుభూతి చెందినట్లే భావించవచ్చు.