భారతీయ డ్రైవర్‌కు రూ.44 కోట్ల భారీ లాటరీ,,,మరో పది మందికి లక్ష దిర్హామ్‌ల చొప్పున లార్టీ
international | Suryaa Desk | Published : Wed, Jan 03, 2024, 09:58 PM
దుబాయ్‌లో డ్రైవర్‌గా పనిచేస్తోన్న భారతీయుడికి జాక్‌పాట్ తగిలింది. యూఈఏ న్యూఇయర్ లాటరీలో దాదాపు రూ.44 కోట్లు గెలుచుకున్నాడు. యునైటెడ్ అరబ్ ఎమిరైట్స్‌లోని అల్ ఐన్‌లో పనిచేస్తున్న భారతీయుడు మునావర్ ఫైరూస్.. డిసెంబర్ 31న జరిగిన బిగ్ టికెట్ లైవ్ డ్రాలో 20 మిలియన్ UAE దిర్హామ్‌ల (సుమారు ₹ 44 కోట్లు) జాక్‌పాట్ కొట్టి కొత్త సంవత్సరాన్ని ఘనంగా ప్రారంభించాడు. గల్ఫ్ న్యూస్ ప్రకారం. 259 బిగ్ టికెట్ లైవ్ డ్రాలో మునావర్ ఫైరూస్ విజేతగా ఎంపికయ్యాడు. గత ఐదేళ్లుగా లాటరీ టిక్కెట్లు కొంటున్న ఫైరూస్.. బంపర్ లాటరీ గెలిచినట్టు తెలుసుకుని షాక్ అయ్యాడు.
అయితే, ఈ మొత్తాన్ని తనకు సహకరించిన మరో 30 మంది వ్యక్తులతో కలిసి పంచుకోనున్నాడు. లాటరీ గెలిచిన విషయాన్ని బిగ్ టిక్కెట్ నిర్వహాకులు ఫైరూస్‌కు ఫోన్‌చేసి చెప్పినప్పుడు.. ‘ఇది జరుగుతుందని నేను ఊహించలేదు కాబట్టి నేను నమ్మకలేకపోతున్నాను. నేను ఇప్పటికీ షాక్‌లో ఉన్నాను.. నా ఆప్షన్ల గురించి ఆలోచించడానికి కొంత సమయం పడుతుంది’ అని అన్నారు. కాగా, ఈ లాటరీలో ఫైరూస్ కాకుండా మరో భారతీయుడు, పాలస్తీనా, లెబనాన్, సౌదీ అరేబియాకు చెందిన 10 మందికి 100,000 దిర్హామ్‌ల చొప్పున గెలుచుకున్నారు. కాగా, ఇదే రోజున డిసెంబరు నాలుగో వారం ఈ-డ్రాలో మరో భారతీయుడు సుతేశ్ కుమార్ కుమార్‌సేన్ ఒక్క మిలియన్ దిర్హామ్‌లు ( దాదాపు రూ.2.23 కోట్లు) గెలుపొందాడు. ఎతిహాద్ ఎయిర్‌వేస్‌లో ఇంజినీర్‌గా పనిచేస్తోన్న కుమార్‌సేన్.. అబుదాబిలో ఉంటున్నాడు. అతడు ఖలీజ్ టైమ్స్‌తో మాట్లాడుతూ.. తాను ప్రయాణించే ప్రతిసారీ టిక్కెట్‌లను కొనుగోలు చేయడానికి అబుదాబి అంతర్జాతీయ విమానాశ్రయంలోని స్టోర్ కౌంటర్ల వద్ద ఆగుతానని చెప్పాడు.
‘గెలిచిన టిక్కెట్ నంబర్లను నా ఏడేళ్ల కుమార్తె ఎంపిక చేసింది.. ఈ లాటరీలో గెలవడంంపై మా కుటుంబం చాలా సంతోషంగా ఉంది. మేము భారత్‌లో ఒక ఇంటిని కొనుగోలు చేశాం... దాని రుణం చెల్లించడానికి డబ్బును ఉపయోగించాలని ప్లాన్ చేశాం’ అని బిగ్ టిక్కెట్ ప్రతినిధులతో అన్నారు. గతేడాది అబుదాబిలో జరిగిన బిగ్ టికెట్స్ డ్రాలో బెంగళూరుకు చెందిన అరుణ్ కుమార్ వటక్కే కోరోత్ కొనుగోలు చేసిన టిక్కెట్‌కు జాక్‌పాట్ తగిలింది. మార్చి 2023లో కొనుగోలు చేసిన 261031 నంబర్ టిక్కెట్‌కు 20 మిలియన్ దిర్హామ్ (రూ. 44,75,67,571) గ్రాండ్ ప్రైజ్‌ని గెలుచుకున్నారు. కాగా, గతంలోనూ పలువురు భారతీయులు యూఏఈ లాటరీలో విజేతలుగా నిలిచి, కోట్లాది రూపాయలను బహుమతిగా పొందిన సందర్భాలు అనేకం ఉన్నాయి.
|
|