దళితులకు అన్యాయం చేసింది వైసీపీ ప్రభుత్వమే
Andhra Pradesh Telugu | Suryaa Desk | Published : Mon, Jan 08, 2024, 04:40 PM
రాష్ట్రంలో టీడీపీ అధికారంలోకి వచ్చిన వెంటనే దళిత కాలనీల అభివృద్ధి చెందుతాయని, ఎర్రగొండపాలెం నియోజకవర్గ టీడీపీ ఇన్చార్జ్ గూడూరి ఎరిక్షన్బాబు అన్నారు. ఎర్రగొండపాలెం మండలం గురిజేపల్లి గ్రామం ఎస్సీకాలనీలో ఆదివారం సాయంత్రం ‘బాబుష్యూరిటీ భవిష్యత్కు టీడీపీ గ్యారెంటీ’ కార్యక్రమం నిర్వహించారు. ఇంటింటికి టీడీపీ మేనిపెస్టో కరపత్రాలను పంపిణీ చేశారు. మూడు నెలల్లో ఎన్నికలు రానున్నాయని, టీడీపీ కి ఓట్లు వేసి గెలిపించాలని కోరారు. చంద్రబాబును ముఖ్యమంత్రిని చేయాల్సిన బాధ్యత మన అందరిపై ఉందన్నారు. నియోజకవర్గంలో ఏ కాలనీకి వెళ్లినా తాగునీటి సమస్య వెంటాడు తోందన్నారు. టీడీపీ అధికారంలోకి రాగానే ఆయా కాలనీలోని సమస్యలను దగ్గరుండి పరిష్కరిస్తామన్నారు. అదే విధంగా ఎస్సీ కార్పోరేషన్ రుణాలు పంపిణీ జరుగుతుందన్నారు. కార్యక్రమంలో టీడీపీ మండల అధ్యక్షులు చేకూ రి సుబ్బారావు, టీడీపీ రైతు అధ్యక్షులు చిట్యాల వెంగళరెడ్డి టీడీపీ మండల నాయకులు కంచర్ల సత్యనారాయనగౌడ్, వేగినాటి శ్రీను, వెన్నా వెంకిరెడ్డి, కొత్త భాస్కర్, కందుల నారాయణరెడ్డి, రైతు అధ్యక్షులు పోక వెంకట సుబ్బయ్య, టీడీపీ కార్యకర్తలు పాల్గొన్నారు.
|
|