తిరుమలకు వెళ్లే భక్తులకు మరో శుభవార్త.. ఏప్రిల్ వరకు పొడిగింపు
Andhra Pradesh Telugu | Suryaa Desk | Published : Fri, Jan 26, 2024, 06:12 PM
తిరుమల వెళ్లే భక్తులకు మరో గుడ్న్యూస్. ప్రయాణికుల రద్దీని దృష్టిలో ఉంచుకుని ఇప్పటికే నడుస్తున్న పలు ప్రత్యేక రైళ్లను పొడిగిస్తున్నట్లు విజయవాడ డివిజన్ పీఆర్ఓ నుస్రత్ మండ్రుప్కర్ తెలిపారు. ముఖ్యంగా తిరుపతికి వెళ్లే రైళ్లను కూడా పొడిగించారు. ఫిబ్రవరి 5 నుంచి మార్చి 25 వరకు పూర్ణా–తిరుపతి (07609), ఫిబ్రవరి 6 నుంచి మార్చి 26 వరకు తిరుపతి–పూర్ణా (07610).. ఫిబ్రవరి 3 నుంచి మార్చి 30 వరకు హైదరాబాద్–నర్సాపూర్ (07631), ఫిబ్రవరి 4 నుంచి మార్చి 31 వరకు నర్సాపూర్–హైదరాబాద్ (07632) రైళ్లను పొడిగించారు.
అలాగే ఫిబ్రవరి 4 నుంచి మార్చి 31 వరకు తిరుపతి–సికింద్రాబాద్ (07481).. ఫిబ్రవరి 5 నుంచి ఏప్రిల్ 1 వరకు సికింద్రాబాద్–తిరుపతి (07482).. ఫిబ్రవరి 2 నుంచి మార్చి 29 వరకు కాకినాడ టౌన్–లింగంపల్లి (07445).. ఫిబ్రవరి 3 నుంచి మార్చి 30 వరకు లింగంపల్లి–కాకినాడ టౌన్ (07446) రైళ్లును పొడిగించి నడపనున్నట్లు తెలిపారు. తిరుపతికి పొడిగించిన రైళ్లతో తిరుమలకు వెళ్లే భక్తులకు ఉపయోగంగా ఉంటుందని రైల్వేశాఖ భావిస్తోంది.
|
|