పట్టపగలే రెచ్చిపోయిన వైసీపీ నేత,,,,మహిళ వెళుతుంటే వేకిలి వేషాలు
Andhra Pradesh Telugu | Suryaa Desk | Published : Sat, Jan 27, 2024, 09:39 PM
అనంతపురం జిల్లాలో పట్టపగలే వైఎస్సార్సీపీ నేత వేకిలి వేషాలు వేశాడు. ఆమె చెబుతున్న వివరాల ప్రకారం.. బ్రహ్మసముద్రం మండలం గొల్లదొడ్డికి చెందిన వివాహిత పాలవెంకటాపురంలో వస్త్ర దుకాణం నడుపుతున్నారు.. ఆ కుటంబానికి జీవనాధారం. శుక్రవారం సాయంత్రం షాపు మూసేసి చెరువు కట్ట మీదుగా గ్రామానికి నడుచుకుంటూ వెళ్తుండగా స్థానిక వైఎస్సార్సీపీ నాయకుడు, గ్రామ సచివాలయం కన్వీనర్ నటరాజ్ ఈలలు వేస్తూ అసభ్యకకరంగా ప్రవర్తించాడని చెబుతున్నారు. తాను నిలదీయడంతో విచక్షణరహితంగా దాడి చేశాడని.. జుట్టు పట్టుకుని ఈడ్చి.. కాలితో తన్ని క్రూరంగా ప్రవర్తించాడన్నారు. పక్కనే పొలంలో పనిచేసుకుంటున్న ఓ రైతు అక్కడికి చేరుకుని ఆమెను విడిపించడానికి ప్రయత్నించాడని తెలిపారు. అతనిపైనా నటరాజ్ దాడి చేశాడని.. కొద్దిసేపటికి మరి కొంతమంది అక్కడికి చేరుకోవడంతో పరారయ్యాడని చెబుతున్నారు. ఆ తర్వాత బాధితురాలిని కళ్యాణదుర్గం ప్రభుత్వాసుపత్రికి తరలించారు. వివాహితపై దాడి దృశ్యాల వీడియో సోషల్ మీడియాలో కూడా వైరల్ అవుతోంది.నిందితుడు నటరాజ్పై ఇప్పటికే పలు కేసులు ఉన్నట్లు స్థానికులు చెబుతున్నారు. అతను కళ్యాణదుర్గం ఎమ్మెల్యే, మంత్రి ఉష శ్రీచరణ్ అనుచరుడు అంటున్నారు. ఈ ఘటనకు సంబంధించిన పూర్తి వివరాలు తెలియాల్సి ఉంది.
|
|