ట్రెండింగ్
సునీతతో కలిసి వైఎస్సార్ కు షర్మిల నివాళి
Andhra Pradesh Telugu | Suryaa Desk | Published : Mon, Jan 29, 2024, 10:15 AM
కడప జిల్లాలో కాంగ్రెస్ పార్టీ ఏపీ చీఫ్ షర్మిల పర్యటన కొనసాగుతోంది. దీంట్లో భాగంగా ఇడుపులపాయలోని YSR ఘాట్‌కు వెళ్లి నివాళులు అర్పించారు. ఆమె వెంట వైఎస్ వివేకానంద రెడ్డి కూతురు సునీతా రెడ్డి కూడా ఉన్నారు. ఘాట్‌కు వెళ్లే ముందే వీరిద్దరూ సమావేశమై పలు అంశాలపై చర్చించినట్టు సమాచారం.
ఏపీ కాంగ్రెస్ అధ్యక్షురాలు షర్మిలతో మాజీ మంత్రి వివేకానందరెడ్డి కుమార్తె సునీత ఇడుపులపాయలో భేటీ అయ్యారు. పీసీసీ అధ్యక్షురాలిగా షర్మిల బాధ్యతలు చేపట్టిన అనంతరం సునీత ఆమెను కలవడం ఇదే తొలిసారి. తన తండ్రి హత్యపై న్యాయ పోరాటంలోనూ సునీతకు షర్మిలకు అండగా నిలిచారు. దీంతో షర్మిల భేటీ తర్వాత కాంగ్రెస్‌లో చేరడంపై సునీత కీలక నిర్ణయం తీసుకునే అవకాశముంది.
|
|