ట్రెండింగ్
తిరుమలలో కొనసాగుతున్న భక్తుల రద్దీ
Andhra Pradesh Telugu | Suryaa Desk | Published : Mon, Jan 29, 2024, 10:48 AM
తిరుమలలో భక్తుల రద్దీ కొనసాగుతోంది. క్యూ లైన్లన్నీ భక్తులతో నిండిపోయాయి. వరుసగా సెలవులు రావడంతో భక్తులతో తిరుమల కొండ కిటకిటలాడుతుంది.తిరుమలలోని వైకుంఠం క్యూ కాంప్లెక్స్‌లోని 21 కంపార్ట్‌మెంట్లలో భక్తులు శ్రీవారి దర్శనం కోసం వేచి చూస్తున్నారు.నిన్న శ్రీవారిని 85,142 మంది భక్తులు దర్శించుకున్నారు. 22,064 మంది తలనీలాలు సమర్పించారు. నిన్న శ్రీవారి హుండీ ఆదాయం 5.04 కోట్లుగా టీటీడీ ప్రకటించింది.
నేడు టీటీడీ పాలకమండలి సమావేశం కానుంది. 2024-25 వార్షిక బడ్జెట్‌కు ఆమోదం తెలుపనుంది. రూ. 5వేల కోట్ల అంచనాతో వార్షిక బడ్జెట్‌కు ఆమోదం తెలిపే ఛాన్స్ ఉంది. హుండీ ఆదాయం 100 కోట్లు తగ్గినట్లు టీటీడీ అధికారులు తెలిపారు. 2023-2024కి రూ. 4వేల 411 కోట్లు బడ్జెట్‌ను టీటీడీ కేటాయించింది. ఈ ఏడాది బడ్జెట్ ఎంత ప్రవేశపెడతారన్న అంశంపై తీవ్ర ఉత్కంఠ నెలకొంది.
|
|