గద్దర్‌ ఒక ప్రజాయుద్ధ నౌక
Andhra Pradesh Telugu | Suryaa Desk | Published : Thu, Feb 01, 2024, 03:09 PM
ప్రజా యుద్ధనౌక గద్దర్‌ స్వప్నం సమానత్వం అని ప్రజా కవి పోతబోలు రెడ్డప్ప, వీసీకే పార్టీ రాష్ట్ర ప్రధాన కార్యదర్శి పీటీఎం శివప్రసాద్‌ అన్నారు. బుధవారం మదనపల్లె స్థానిక ప్రెస్‌క్లబ్‌లో గద్దర్‌ జయంతి సందర్భంగా ఆయన చిత్రపటానికి పూలమాలలు వేసి నివాళులు అర్పించారు. ఈ సందర్భంగా ప్రజాకవి పోతబోలు రెడ్డప్ప మాట్లాడుతూ.. అసమానతలపై యుద్ధానికి సాయుధ దళమై సాంస్కృతిక గళమై సమరశంఖం పూరించిన గొప్ప విప్లవ యోధుడు గద్ధర్‌ అని కొనియాడారు. పీటీఎం శివప్రసాద్‌ మాట్లాడుతూ..ప్రజల పాటకు కొత్త ఒరవడిని అందించి, దానికి శ్రమ సౌందర్యాన్ని అద్ది, విముక్తి పోరాటానికి వీరులను అందించిన ప్రజాయుద్ధ నౌక గద్దర్‌ అన్నా రు. కార్యక్రమంలో డిగ్రీ కళాశాల అధ్యాపకుడు డాక్టర్‌ శ్రీనివాసుల రెడ్డి, రిటైర్డ్‌ డిప్యూటీ జైలర్‌ బురుజు లక్ష్మీనారాయణ, రిటైర్డ్‌ ఉద్యోగులు మునివెంకటప్ప, ఉత్తన్న, అంజప్ప, వీసీకే, బాస్‌ నాయ కులు పాల్గొన్నారు.
|
|