ట్రెండింగ్
అనుమానాస్పదంగా వాచ్‌మన్‌ మృతి
Andhra Pradesh Telugu | Suryaa Desk | Published : Sat, Feb 10, 2024, 12:55 PM
పశ్చిమ గోదావరి జిల్లా, మండవల్లి మండలం కాకతీయనగర్‌ వద్ద రొయ్యల చెరువుపై వాచ్‌మన్‌గా పనిచేస్తున్న యువకుడు అనుమానాస్పద స్ధితిలో మృతి చెందినట్లు మండవల్లి పోలీసులు శుక్రవారం కేసు నమోదు చేశారు. కైకలూరు గ్రామానికి చెందిన కమ్మిలి శివప్రసాద్‌కు చెందిన కాకతీయ నగర్‌లోని 6 ఎకరాల (లీజు చెరువు) రొయ్యల చెరువుపై దోనిపాటి అబ్రహం(26) అబ్రహం నెల జీతానికి పనిచేస్తున్నాడు. శుక్రవారం చెరువుగట్టుపై షెడ్డులో ఉరి వేసుకుని అబ్రహం మృతి చెందినట్లు గుర్తించిన యజమాని కమ్మిలి శివప్రసాద్‌ మృతుడి బంధువులకు సమాచారం ఇచ్చారు. అనుమానాస్పద మృతిగా కేసు నమోదు చేసి మండవల్లి ఎస్సై సీహెచ్‌ రామచంద్రరావు దర్యాప్తు చేస్తున్నారు.
|
|