పవన్ కి కౌంటర్ ఇచ్చిన వంగా గీత
Andhra Pradesh Telugu | Suryaa Desk | Published : Wed, Mar 20, 2024, 01:42 PM
పిఠాపురంలో గెలుపుపై పవన్ క‌ళ్యాణ్‌వి దింపుడు కళ్లెం ఆశ‌ల‌ని వైయ‌స్ఆర్ కాంగ్రెస్ పార్టీ ఎంపీ, పిఠాపురం అభ్య‌ర్థి వంగా గీత అన్నారు. నియోజ‌క‌వ‌ర్గ ప‌రిధిలో ఎన్నిక‌ల ప్ర‌చారంలో పాల్గొన్న వంగా గీత.. పవన్ క‌ళ్యాణ్ వ్యాఖ్య‌ల‌కు కౌంటర్ ఇచ్చారు. 2009లో పిఠాపురం నుంచి ప్రజారాజ్యం తరఫున గెలిచిన వంగా గీత, వైయ‌స్ఆర్ సీపీని వీడి జనసేనలోకి రావాలని ఆశిస్తున్నా అంటూ పవన్ క‌ళ్యాణ్ నిన్న మాట్లాడారు. ఈ వ్యాఖ్యలపై వంగా గీత కౌంటర్ ఇచ్చారు. ‘‘నేను కూడా పవన్‌ను వైయ‌స్ఆర్ సీపీలోకి ఆహ్వానిస్తే ఎలా ఉంటుంది?’’ అని ప్ర‌శ్నించారు. 2009 కంటే ముందు నుంచే తాను రాజకీయాల్లో ఉన్నాన‌ని, 2009లో చిరంజీవి త‌నకు అవకాశం ఇచ్చారని చెప్పారు. పిఠాపురంలో గెలుపుపై పవన్ క‌ళ్యాణ్‌వి దింపుడు కళ్లెం ఆశలు అన్నారు. పిఠాపురం నియోజకవర్గంలో అన్ని వర్గాల ప్రజల మద్దతు త‌న‌కే ఉంద‌ని, గెలుపు కూడా త‌న‌దేన‌ని వంగా గీత ధీమా వ్య‌క్తం చేశారు.
|
|