ఎన్నడూ లేని విధంగా అనంతపురాన్ని అభివృద్ధి చేసాం
Andhra Pradesh Telugu | Suryaa Desk | Published : Wed, Mar 27, 2024, 09:50 AM
వైయస్ఆర్ కాంగ్రెస్ ప్ర‌భుత్వంలో ఎన్నడూ లేని విధంగా అనంతపురం న‌గ‌రం అభివృద్ధి చెందింద‌ని ఎమ్మెల్యే అనంత వెంకటరామిరెడ్డి పేర్కొన్నారు. అనంతపురం నగరంలోని 4వ డివిజన్‌ లో మంగళవారం ‘ఇంటింటికీ వైయస్ఆర్ సీపీ’ కార్యక్రమాన్ని నిర్వహించారు. ఈ సందర్భంగా ప్రభుత్వ సంక్షేమ పథకాలతో కలిగిన లబ్ధి, అనంతపురం నియోజకవర్గంలో ఐదేళ్లలో జరిగిన అభివృద్ధి పనులకు సంబంధించి కరపత్రాలను ఎమ్మెల్యే అనంత వెంకటరామిరెడ్డి, ప్రజాప్రతినిధులు, వైయస్ఆర్ సీపీ నాయకులు, కార్యకర్తలు పంపిణీ చేశారు. గతంలో ఎన్నడూ లేని విధంగా అనంతపురం నగరంలోని ప్రధాన రహదారులతో పాటు అంతర్గత రోడ్లు, డ్రైనేజ్ నిర్మాణం చేపట్టాం, రానున్న ఎన్నికల్లో ఫ్యాన్‌ గుర్తుకు ఓటు వేసి వైయ‌స్‌ జగన్‌మోహన్‌రెడ్డిని మరోసారి ముఖ్యమంత్రిగా చేసుకుని ప్రజా సంక్షేమ పాలనతో పాటు, అనంతపురం నగరాన్ని మరింత అభివృద్ధి చేసుకుందామని అనంత వెంక‌ట్రామిరెడ్డి అభ్యర్థించారు.
|
|