రాష్ట్ర ప్రయోజనాల కోసమే పొత్తు పెట్టుకున్నాం
Andhra Pradesh Telugu | Suryaa Desk | Published : Wed, Mar 27, 2024, 12:13 PM
నిడదవోలు నియోజకవర్గ ఉమ్మడి కూటమి ఎమ్మెల్యే అభ్యర్థి కందుల దుర్గేష్‌కు గ్లాస్‌ గుర్తుపై ఓటు వేసి అఖండ విజయం చేకూర్చాలని మాజీ ఎమ్మెల్యే బూరుగుపల్లి శేషారావు అన్నారు. మంగళవారం నిడదవోలు మండలం మునిపల్లి, కలవచర్ల, ఉండ్రాజవరం మండలం సత్యవాడ, పసలపూడి, రెడ్డిచెరువు, వడ్లూరు గ్రామాల్లో టీడీపీ, జనసేన, బీజేపీ పార్టీల నాయకులు కార్యకర్తల ఆత్మీయ సమావేశం నిర్వహించారు. ఈ సందర్భంగా శేషారావు మాట్లాడుతూ దుర్గేష్‌ గతంలో రెండు సార్లు ఎమ్మెల్సీగా పనిచేసిన అనుభవశాలియని విజ్ఞానవంతుడని అన్నారు. అటువంటి వ్యక్తిని గెలిపించుకో వాలని అన్నారు. రాష్ట్ర భవిష్యత్తు కోసమే మూడు పార్టీలు కలసి ఎన్నికల్లో పోటీ చేస్తున్నట్టు దుర్గేష్‌ చెప్పారు. కార్యక్రమాల్లో జనసేన ఇన్‌చార్జి భోగవల్లి ప్రసాద్‌, టీడీపీ నిడదవోలు మండలాధ్యక్షుడు వెలగన సూర్యారావు ఉండ్రా వరం మండలాధ్యక్షుడు సింహాద్రి రామకృష్ణ, కోమట్లపల్లి వెంకటసుబ్బారావు, వీరమళ్ల బాలాజీ, కాకర్ల నాని, మూడు పార్టీల నాయకులు, కార్యకర్తలు, అభిమానులు పాల్గొన్నారు.
|
|