వాలంటీర్ల పేరు చెబితే చంద్రబాబు ఉలిక్కి పడుతున్నాడు
Andhra Pradesh Telugu | Suryaa Desk | Published : Thu, Mar 28, 2024, 11:04 AM
వాలంటీర్లపై చంద్రబాబు యూటర్న్.. అంతా దొంగ నాటకాలు అంటూ ఎమ్మెల్యే కొడాలి నాని ఘాటుగా వ్యాఖ్యానించారు. వాలంటీర్ల పేరు చెబితే చంద్రబాబు ఉలిక్కి పడుతున్నాడన్నారు. వైయస్ఆర్ కాంగ్రెస్ పార్టీ ప్రభుత్వానికి, ప్రజలకు మధ్య వారధులుగా బ్రహ్మాండంగా పనిచేసిన వ్యవస్థ వాలంటీర్ వ్యవస్థ అంటూ ఆయన పేర్కొన్నారు. వాలంటరీ వ్యవస్థను ఎన్నికల్లో ఉపయోగించుకోవాల్సిన అవసరం మాకు లేదన్నారు. చదువుకునీ ఎక్కువ యువతరం ఉన్న వాలంటీర్లకు ఏది మంచో తెలుసు, అదే వాళ్లు ప్రజలకు చెబుతారన్నారు. ఐదేళ్ళుగా ప్రజల ప్రతి అవసరాలు తీరుస్తు సేవలు అందిస్తున్న వాలంటీర్లపై చంద్రబాబు, పవన్ నోటికొచ్చినట్లు అవమానకరంగా మాట్లాడారన్నారు. ఇప్పుడు యూటర్న్ తీసుకొని వాలంటీర్ల జీతాలు పెంచుతామని చంద్రబాబు అంటున్నారని కొడాలి నాని తెలిపారు. చంద్రబాబు చెప్పేవన్నీ అబద్ధాలు, జన్మభూమి కమిటీలను తిరిగి ఏర్పాటు చేసి.. కార్యకర్తలను పెట్టుకొని వారికి జీతాలు ఇస్తాడని ఆయన అన్నారు. ఇప్పుడున్న వారందరిని ఇంటికి పంపి….. తెలుగుదేశం కార్యకర్తలతో చంద్రబాబు కలెక్షన్లు వసూలు చేస్తాడంటూ కొడాలి నాని వ్యాఖ్యానించారు.
|
|