ఎమర్జెన్సీగా పిఠాపురం నుంచి హైదరాబాద్‌కు పవన్ కళ్యాణ్.. కారణం ఇదే
Andhra Pradesh Telugu | Suryaa Desk | Published : Mon, Apr 01, 2024, 08:15 PM
జనసేన పార్టీ అధినేత పవన్ కళ్యాణ్ అనారోగ్యంతో బాధపడుతున్నారు. రెండు రోజులుగా జ్వరం, దగ్గుతో బాధపడుతున్నారు. పిఠాపురం నియోజకవర్గం నుంచి బరిలోకి దిగనున్న పవన్ కల్యాణ్‌ వారాహి విజయభేరి షెడ్యూలును ముందుగానే ఖరారు చేయడంతో వాయిదా వేయడం ఇష్టంలేక హాజరయ్యారు. ఆరోగ్యం సహకరించకున్నా వైద్యం పొందుతూనే శనివారం ఎన్నికల ప్రచారం మొదలు పెట్టారు.
ఆదివారం శక్తిపీఠాన్ని సందర్శించుకున్న అనంతరం జనసేన- టీడీపీ- బీజేపీ నేతలతో ఆత్మీయ సమావేశం నిర్వహించి శ్రేణులకు దిశానిర్దేశం చేశారు. అత్యవసర సమావేశం కోసం ఆదివారం సాయంత్రం హెలికాప్టర్‌లో హైదరాబాద్‌ వెళ్లిన పవన్ కళ్యాణ్.. సోమవారం ఉదయం మళ్లీ పిఠాపురం చేరుకుంటారని.. మిగిలిన రెండురోజుల పర్యటన పూర్తి చేస్తారని జనసేన వర్గాలు తెలిపాయి. పవన్ కళ్యాణ్ అనారోగ్యంపై అభిమానులు, జనసైనికులు ఆందోళనలో ఉన్నారు.
పవన్ కళ్యాణ్ శనివారం నుంచి తాను పోటీ చేస్తున్న పిఠాపురం నియోజకవర్గంలో పర్యటనను ప్రారంభించారు. నియోజకవర్గంలో భారీ సభను నిర్వహించారు. ఆదివారం నేతలతో సమావేశం అయ్యారు.. సోమవారం కూడా నియోజకవర్గంలో పర్యటిస్తున్నారు. ఈ నెల 3 వరకు పవన్ కళ్యాణ్ పిఠాపురంలోనే పర్యటిస్తారని జనసేనపార్టీ వర్గాలు తెలిపాయి.
|
|