సీఎం జగన్ ని దూషించడమే వారి ప్రసంగాలు
Andhra Pradesh Telugu | Suryaa Desk | Published : Mon, Apr 22, 2024, 09:15 AM
మెంటల్ సైకోలు చంద్రబాబు, పవన్కళ్యాణ్లే..! అంటూ వైయస్ఆర్సీపీ ఎమ్మెల్యే మహ్మద్ అబ్దుల్ హఫీజ్ఖాన్ మండిపడ్డారు. తాడేపల్లిలో వైయస్ఆర్సీపీ కేంద్ర కార్యాలయంలో పార్టీ ఎమ్మెల్యే మహ్మద్ అబ్దుల్ హఫీజ్ఖాన్ మీడియా సమావేశంలో మాట్లాడుతూ.... నారా చంద్రబాబు నాయుడు, పవన్కళ్యాణ్లు సభల్లో మాట్లాడుతున్న భాష తీరు చాలా విడ్డూరంగా ఉంది. రాజకీయాల్లో 40 ఏళ్ల అనుభవశాలి గా ఒకతను చెప్పుకుంటే, ఎలాంటి స్వార్థం లేకుండా రాజకీయాల్లోకి వచ్చానంటూ మరొకతను చెప్పుకుంటూ ఇష్టానుసారంగా నోరు పారేసుకోవడం చాలా బాధాకరం. వీళ్లు రాష్ట్రానికి మేలు చేసే అంశాల గురించి మాట్లాడుతారా..? అంటే, అది వాళ్ల ప్రసంగాల్లో ఎక్కడా వినిపించడు. మరి, పొత్తు పెట్టుకుని ఎన్డీఏ భాగస్వాములుగా కేంద్రం నుంచి రాష్ట్రానికి మేలు చేసే ప్రాజెక్టులను ఏమైనా తెస్తారని చెబుతారా..? అంటే అదీలేదు. కేవలం, జగన్మోహన్రెడ్డి గారిని దూషించడానికి మాత్రమే వారి ప్రసంగాలు రాసుకుంటున్నారు. నోటికి పట్టరాని విధంగా తిడుతున్నారు. సైకో అంటూ ఏవేవో బూతులు పదేపదే మాట్లాడుతూ విషం కక్కుతున్నారు అని ఆగ్రహం వ్యక్తపరిచారు.
|
|