అమెరికాలో భయంకర ప్రమాదం: పల్టీలు కొట్టి చెట్లపైకి ఎగిరిన కారు.. 3 భారతీయ మహిళలు మృతి

అమెరికాలో ఘోర రోడ్డు ప్రమాదం సంభవించింది. సౌత్‌ కరోలినాలో గ్రీన్‌విల్లే కౌంటీ వద్ద చోటుచేసుకున్న ఈ ప్రమాదంలో ముగ్గురు భారతీయ మహిళలు మృతిచెందారు. మృతులను గుజరాత్‌లోని ఆనంద్ జిల్లాకు చెందిన రేఖాబెన్ పటేల్‌, సంగీతాబెన్ పటేల్, మనీశాబెన్ పటేల్‌గా గుర్తించారు. పరిమితికి మించిన వేగంతో కారును నడపడమే ప్రమాదానికి కారణమని అధికారులు తెలిపారు. ప్రయాణిస్తున్న వాహనం పరిమితికి మించిన వేగంతో ప్రయాణించింది... ఇంత వేగంతో వెళ్లడం చాలా అరుదుగా చూస్తామని అధికారులు పేర్కొన్నారు. ఆ వేగానికి అదుపుతప్పిన ఎస్‌యూవీ.. రహదారిపై నాలుగు నుంచి ఆరుసార్లు పల్టీ కొడుతూ అవతలివైపు ఉన్న బ్రిడ్జిని ఢీకొట్టి చెట్లపైకి ఎగిరిపడి, ఇరుక్కుపోయింది.

  ఆ సమయంలో గాల్లోకి 20 అడుగుల ఎత్తుకు లేచింది. ప్రమాదం గురించి సమాచారం తెలిసిన వెంటనే అత్యవసర సిబ్బంది అక్కడకు చేరుకుని సహాయక చర్యలు చేట్టారు. ఈ ప్రమాదంలో గాయపడిన ఒక వ్యక్తిని ఆసుపత్రికి తరలించారు. గ్రీన్‌విల్లే కౌంటరీ కార్నర్ అధికారి కార్యాలయం..‘ప్రమాదానికి గురైన ఎస్ఈయూవీ హైవేపై ఉత్తరం వైపు ప్రయాణిస్తూ అదుపుతప్పి ఒక కట్టపైకి ఎక్కింది.. ఎదురుగా ఉన్న వంతెనను ఢీకొట్టి చెట్లపై ఇరుక్కోడానికి ముందు కనీసం 20 అడుగుల గాలిలోకి లేచింది’ అని ఓ ప్రకటనలో తెలిపింది. వాహన వేగం పరిమితికి మించి ఎక్కువగా ప్రయాణిస్తున్నట్లు స్పష్టంగా ఉంది అని చీఫ్ డిప్యూటీ కార్నర్ మైక్ ఎల్లిస్ అన్నారు.

ఢీకొట్టిన వేగానికి ముక్కముక్కలుగా ఛిద్రమైన కారు.. చెట్టుపై ఇరుక్కుపోయింది. ‘రోడ్డు మార్గం నుంచి అధిక వేగంతో 4-6 లేన్ల ట్రాఫిక్‌ను దాటం.. సుమారు 20 అడుగుల మేర లేచి చెట్టుపైకి ఎక్కడం చాలా అరుదుగా జరుగుతంది’ అని ఎల్లిస్ ప్రమాదాన్ని వివరించారు. వాహనంలోని డిటెక్షన్ వ్యవస్థ వల్ల ప్రమాదం జరిగినట్టు కుటుంబసభ్యులకు సమాచారం వచ్చింది.