ట్రెండింగ్
టీడీపీ, వైసీపీ కేంద్రానికి అమ్ముడుపోయాయి
Andhra Pradesh Telugu | Suryaa Desk | Published : Mon, Apr 29, 2024, 12:16 PM
రాష్ట్ర ప్రయోజనాలు కాదని స్వప్రయోజనాల కోసం చంద్రబాబు మోదీ నేతృత్వంలోని బీజేపీతో పొత్తు పెట్టుకుంటే.. జగన్‌రెడ్డి కూడా బీజేపీకి తొత్తుగా మారారని ఫర్మిల ఆరోపించారు. శ్రీకాకుళం జిల్లా టెక్కలిలోని ఇందిరాగాంధీ కూడలిలో ఆదివారం ఏపీ న్యాయయాత్ర సందర్భంగా షర్మిల మాట్లాడారు. చంద్రబాబు, జగన్‌రెడ్డి ప్రజల ప్రయోజనాలను తాకట్టుపెట్టి కేంద్రానికి అమ్ముడు పోయారన్నారు. పది సంవత్సరాల చంద్రబాబు, జగన్‌రెడ్డి పాలనలో పది పరిశ్రమలు కూడా రాలేదని, వారివి స్వప్రయోజనాలే తప్ప ప్రజా ప్రయోజనాలు కావని అన్నారు. ప్రజలు ఆలోచన చేయాలని, ప్రత్యేక హోదా, అభివృద్ధి, ఉద్యోగాలు కావాలంటే కాంగ్రె్‌సను ఆశీర్వదించి అండగా ఉండాలని పిలుపునిచ్చారు.
|
|