66 ఏళ్ల వృద్ధురాలిని పెళ్లి చేసుకున్న 84 ఏళ్ల వృద్ధుడు.. దగ్గరుండి చేసిన కుమారులు, కుమార్తెలు

66 ఏళ్ల వృద్ధురాలిని 84 ఏళ్ల వృద్ధుడు పెళ్లి చేసుకున్న సంఘటన మహారాష్ట్రలోని అమరావతిలో చోటు చేసుకుంది. ఆ వృద్ధుడికి గతంలోనే పెళ్లి కాగా.. కుమారులు, కుమార్తెలు ఉన్నారు. ఈ క్రమంలోనే వారికి పెళ్లిళ్లు కావడం, వారికి పిల్లలు కూడా పుట్టడంతో వారి సంసారం సాఫీగా జరిగిపోతోంది. అదే సమయంలో గత కొన్ని ఏళ్ల క్రితం ఆ వృద్ధుడి భార్య అనారోగ్యంతో కన్ను మూసింది. దీంతో ఆ వృద్ధుడు ఒంటరివాడు అయ్యాడు. కుమార్తెలు, కుమారులు.. వారి కుటుంబాలు, పిల్లలు.. వారి పనులతో బిజీ అయిపోయారు. ఈ క్రమంలోనే ఆ వృద్ధుడు ఒంటరివాడు అయ్యాడు. మలి వయసులో తోడు లేక తీవ్ర అవస్థలు పడ్డాడు. అంజన్‌ గావ్‌ సర్జి తాలూకాలోని చించోలి రహీమాపుర్‌ గ్రామానికి చెందిన విఠల్‌ ఖండారే అనే వృద్ధుడికి భార్య మూడేళ్ల క్రితం మరణించింది.

విఠల్ ఖండారేకు నలుగురు కుమారులు, కుమార్తెలు ఉన్నారు. వారికి పెళ్లిళ్లు కాగా.. మనవళ్లు, మనవరాళ్లు ఉన్నారు. అయితే భార్య చనిపోవడంతో గత కొన్నేళ్లుగా విఠల్ ఖండారే ఒంటరితనంతో బాధపడ్డారు. ఇక ఈ విషయాన్నే విఠల్ ఖండారే.. తన కుమారులు, కుమార్తెల ముందు ఉంచాడు. తాను రెండో పెళ్లి చేసుకోవాలని అనుకుంటున్నట్లు తన మనసులో ఉన్న మాటను బయటపెట్టాడు. ఆ వృద్ధుడు చెప్పిన విషయం తిని అతని కుటుంబ సభ్యులు షాక్‌కు గురయ్యారు. మొదట ఆ వృద్ధుడు చేసిన ప్రతిపాదనను వారు అంగీకరించలేదు. కానీ తన పరిస్థితిని వివరించి.. తనకు ఈ వయసులో తోడు కావాలని అనుకుంటున్నట్లు చెప్పి ఆ వృద్ధుడు తన కుటుంబ సభ్యులను ఒప్పించాడు. దీంతో ఆ కుటుంబ సభ్యులే విఠల్ ఖండారేకి ఒక పెళ్లి కుమార్తెను చూశారు.

చివరికి అకోలా జిల్లాలోని అకోట్‌కు చెందిన 66 ఏళ్ల ఓ అనాథ వృద్ధురాలిని వెతికి పట్టుకున్నారు. అనంతరం ఆ వృద్ధుడితో పెళ్లి చేసేందుకు ఆ వృద్ధురాలిని ఒప్పించారు. అనంతరం 84 ఏళ్ల విఠల్ ఖండారేకి.. 66 ఏళ్ల వృద్ధురాలితో రెండో పెళ్లిని.. మే 8 వ తేదీన చించోలి రహీమాపుర్ గ్రామంలో విఠల్ ఖండారే వివాహ వేడుక ఘనంగా చేశారు. అతడి కుమారులు, కుమార్తెలు, మనవరాళ్లు, మనవళ్లు అంగరంగ వైభవంగా జరిపించారు. ఇక పెళ్లి తర్వాత నిర్వహించిన వృద్ధుల బరాత్‌లో కుటుంబ సభ్యులంతా డ్యాన్స్‌తో అదరగొట్టారు. ఇక ఈ పెళ్లి గురించి సోషల్ మీడియాలో చర్చ జరుగుతోంది. చివరి దశలో తోడు కోసం విఠల్ కుమారులు, కుమార్తెలు మంచి నిర్ణయం తీసుకున్నారని నెటిజన్లు పేర్కొంటున్నారు.