తెనాలిలో నేడు జాబ్ మేళ
Andhra Pradesh Telugu | Suryaa Desk | Published : Wed, May 29, 2024, 01:10 PM
హెచ్‌సీఎల్‌ కంపెనీ ఆధ్వర్యంలో బుధవారం తెనాలి స్టేషన్‌ రోడ్డులోని వైష్ణవి జూనియర్‌ కళాశాలలో జాబ్‌మేళా నిర్వహించనున్నారు. మేళా పోస్టర్లను మంగళవారం కళాశాల ప్రిన్సిపాల్‌ పాటిబండ్ల శ్రీనివాసరావు, హెచ్‌సీఎల్‌ కో-ఆర్డినేటర్‌ గురునాథ్‌ ఆవిష్కరించారు. జాబ్‌మేళాకు బైపీసీ, హెచ్‌ఈసీ, సీఈసీ గ్రూపులు 75శాతం మార్కులు దాటిన విద్యార్థులు పాల్గొనవచ్చని తెలిపారు. గత మార్చిలో, ఈ మార్చిలో పాస్ అయిన విద్యార్థులు అర్హులని చెప్పారు. మేళాలో పాల్గొనే విద్యార్థులకు మూడంచెల విధానంలో పరీక్షలు నిర్వహించి ఏడాది పాటు శిక్షణ ఇస్తారు. శిక్షణ సమయంలో నెలకు రూ.10 వేలు స్టైఫండ్‌ అనంతరం పర్మినెంట్‌ ఎంప్లాయిగా తీసుకునే వారికి నెలకు రూ.14500 వేతనంతో పాటు ప్రముఖ యూనివర్శిటీల ద్వారా గ్రాడ్యుయేషన్‌ చేయిస్తారు. ఆసక్తి కలిగిన విద్యార్థులు మేళాలో పాల్గొనాలని నిర్వాహకులు తెలిపారు.
|
|