పంట కాలువులలో మరమ్మతులు చెయ్యాలి
Andhra Pradesh Telugu | Suryaa Desk | Published : Thu, May 30, 2024, 08:04 PM
వ్యవసాయ సీజన్ ప్రారంభమైనందున జిల్లా వ్యాప్తంగా పంట కాలవల్లో పేరుకుపోయిన తూటుకాడ, గుర్రపుడెక్క, ఇతర పూడికలలను యుద్థప్రాతిపదికన తొలగించాలని గుంటూరు సీపీఎం జిల్లా కార్యదర్శి పాశం రామారావు కోరారు. బుధవారం పెదకాకాని మండలం నంబూరు గ్రామంలో పంట కాలువులను పరిశీలించారు. ఈ సందర్భంగా ఆయన మాట్లాడుతూ వెంటనే నీటిపారుదల శాఖ స్పందించి కాలువలు మరమ్మతులు చేయాలని కోరారు. జిల్లాలో గుంటూరు చానల్, కొండవీడు వాగు ఇతర పంట కాలువలు అన్ని పూడిక తీయాలన్నారు. పెదవడ్లపూడి హై లెవెల్ చానల్ దానికి అనుబంధంగా ఉన్న కాలువల్లో తూటుకాడ, గుర్రపు డెక్కను తొలగించాలన్నారు. పెదవడ్లపూడి హై లెవెల్ చానల్ పనులు పూర్తిచేయాలని, గుంటూరు చానల్ను పర్చూరు వరకు పొడిగించేందుకు గతంలో ప్రభుత్వాలు ఇచ్చిన హామీలకు అనుగుణంగా నిధులు విడుదల చేసి పనులు ప్రారంభించాలని కోరారు. కార్యక్రమంలో సీపీఎం పెదకాకాని మండల కార్యదర్శి నన్నపనేని శివాజీ, నాయకులు ఎం.శ్రీనివాసరావు, వెంకటరెడ్డి, రాజా రమేష్, సింహాద్రి తదితరులు పాల్గొన్నారు.
|
|