నేడు పదవీ విరమణ చేయనున్న ఏబీ వెంకటేశ్వరరావు
Andhra Pradesh Telugu | Suryaa Desk | Published : Fri, May 31, 2024, 04:58 PM
సీనియర్ ఐపీఎస్ అధికారి ఏబీ వెంకటేశ్వర రావు తనకు ప్రభుత్వం కేటాయించిన ప్రింటింగ్ అండ్ స్టేషనరీ డీజీ గా శుక్రవారం బాధ్యతలు స్వీకరించారు. అలాగే ఈరోజు సాయంత్రం ఆయన పదవీ విరమణ చేయనున్నారు. ఈ సందర్భంగా వెంకటేశ్వరరావు మీడియాతో మాట్లాడుతూ.. రెండు సంవత్సరాల తరువాత ఇదే ఆఫీసులో చార్జ్ తీసుకుంటున్నానని, తనకు అభినందనలు తెలిపేందుకు వచ్విన వారికి కృతజ్ఞతలు చెప్పారు. ‘‘ఈరోజు నా పదవీ విరమణ రోజు... ఈరోజే పోస్టింగ్ ఆర్డర్ తీసుకున్నా సాయంత్రం పదవీ విరమణ చేసే అవకాశం నాకు మాత్రమే వచ్చింది.. కారణాలు ఏమైనా ఆల్ ఈజ్ వెల్ అని భావిస్తున్నా’’ అని అన్నారు. ఇప్పుడు ప్రభుత్వ ఉద్యోగంలో ఉన్నానని... ఎటువంటి వ్యాఖ్యలు చేయడం సరికాదన్నారు. పోస్టింగ్ ఆర్డర్లు వచ్చాయని... విధుల్లో చేరానని తెలిపారు. ఇంతకాలం తనకు అండగా ఉండి ధైర్యం చెప్పిన మిత్రులు, శ్రేయోభిలాషులకు రుణపడి ఉంటానన్నారు.తన కుటుంబ సభ్యులు, స్నేహితులకు ధన్యవాదాలు తెలిపారు. యూనిఫాంతో రిటైర్ కావడం తన కల నెర వేరినట్లుగా భావిస్తున్నానని ఏబీ వెంకటేశ్వరరావు వ్యాఖ్యానించారు.
|
|