బుచ్చయ్యచౌదరి హ్యాట్రిక్
Andhra Pradesh Telugu | Suryaa Desk | Published : Tue, Jun 04, 2024, 03:29 PM
ఏపీ శాసనసభ ఎన్నికల్లో తొలి ఫలితం విడుదలైంది. రాజమండ్రి గ్రామీణ నియోజకవర్గం నుంచి టీడీపీ అభ్యర్థి గోరంట్ల బుచ్చయ్యచౌదరి ఘన విజయం సాధించారు. 60వేలకు పైగా ఓట్ల మెజార్టీతో బుచ్చయ్యచౌదరి విజయం సాధించారు. 2014 నుంచి బుచ్చయ్యచౌదరి ఈ నియోజకవర్గం నుంచి విజయం సాధిస్తూ వస్తున్నారు. రాజమండ్రి సిటీ నియోజకవర్గంలో 2009లో ఓటమి చెందిన బుచ్చయ్యకు.. 2014లో పొత్తులో భాగంగా ఈ నియోజకవర్గాన్ని బీజేపీ పోటీచేసింది. దీంతో బుచ్చయ్యచౌదరికి రాజమండ్రి రూరల్ టికెట్ కేటాయించింది. అప్పటినుంచి ఆ నియోజకవర్గంలో ఆయన గెలుస్తూ వస్తున్నారు. 2008 నియోజకవర్గాల పునర్‌వ్యవస్థీకరణలో భాగంగా రాజమండ్రి రూరల్ నియోజకవర్గం ఏర్పడింది. అప్పటినుంచి ఇప్పటిరకు నాలుగు సార్లు ఎన్నికలు జరగ్గా.. మూడు సార్లు బుచ్చయ్యచౌదరి టీడీపీ నుంచి గెలుపొందారు. రాజమండ్రి రూరల్ నుంచి గోరంట్ల బుచ్చయ్యచౌదరి హ్యాట్రిక్ కొట్టారు.
|
|