బావిలో పడి ఒకరు మృతి
Andhra Pradesh Telugu | Suryaa Desk | Published : Sun, Jun 09, 2024, 08:04 PM
బావిలో పడి ఓ వ్యక్తి మృతి చెందిన సంఘటన పాతకాముని వలస సమీపంలో శనివారం చోటుచేసుకుంది. వివరాల్లోకి వెళ్ళితే....... మన్యం జిల్లా, మక్కువ మండలంలోని శీబిల్లిపెద్దివలస గ్రామానికి చెందిన వడ్డి నాగేశ్వరరా వు (53) మద్యం తాగే అలవాటుఉంది. ఈనెల ఆరో తేదీ రాత్రి గ్రామంలో జరిగిన వివాహంలో మద్యం సేవించాడు. ఈనెల ఏడో తేదీ ఉదయం ఇంటి నుంచి బయటకు వెళ్లి రాకపోవడంతో కుటుంబ సభ్యులు వెతికారు. శనివారం పాతకామునివలస గ్రామసమీపంలోఉన్న బావిపైన లుంగీ, తువ్వాలు కనిపిం చడంతోపాటు మృతదేహం తేలుతుండడంతో కుటుంబసభ్యులు పోలీసులకు సమాచారం ఇచ్చారు. సంఘటనా స్థలానికి చేరుకున్న పోలీసులు మృతదేహం వడ్డి నాగేశ్వరరావుదిగా గుర్తించారు. నాగేశ్వరరావుకు భార్య కుమారుడు, కుమార్తె ఉన్నారు.కుమారుడు వడ్డి చంటి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్టు ఎస్‌ఐ పి.నరసింహమూర్తి తెలిపారు.
|
|