పిన్న వయస్కుడైన కేబినెట్ మంత్రిగా సిక్కోలు చిన్నోడు రికార్డు
Andhra Pradesh Telugu | Suryaa Desk | Published : Sun, Jun 09, 2024, 09:01 PM
ప్రధానమంత్రి నరేంద్ర మోదీ నేతృత్వంలో కేంద్రంలో నూతన ప్రభుత్వం కొలువుదీరింది. రాష్ట్రపతి భవన్‌లో జరిగిన కార్యక్రమంలో ప్రధానమంత్రులు, మంత్రులు ప్రమాణ స్వీకారం చేశారు. ఇక ఏపీ నుంచి శ్రీకాకుళం ఎంపీ కింజరాపు రామ్మోహన్ నాయుడు, గుంటూరు ఎంపీ పెమ్మసాని చంద్రశేఖర్ మంత్రులుగా ప్రమాణ స్వీకారం చేశారు. టీడీపీ దివంగత నేత కింజరాపు ఎర్రన్నాయుడు తనయుడిగా రాజకీయాల్లోకి ఎంట్రీ ఇచ్చిన రామ్మోహన్ నాయుడు.. శ్రీకాకుళం లోక్ సభ నియోజకవర్గం నుంచి హ్యాట్రిక్ కొట్టారు. టీడీపీ నుంచి 2014, 2019, 2024 ఎన్నికల్లో వరుసగా ఎంపీగా గెలిచిన ఏకైక నాయకుడు రామ్మోహన్ నాయుడు. శ్రీకాకుళం జిల్లా నిమ్మాడలో జన్మించిన ఆయన బీటెక్, ఎంబీఏ పూర్తిచేశారు. తెలుగు, హిందీ, ఇంగ్లిష్‌లో అనర్గళంగా మాట్లాడే ప్రావీణ్యం రామ్మోహన్ నాయుడు సొంతం. ఇక టీడీపీ సీనియర్ నేత బండారు సత్యనారాయణ మూర్తి కుమార్తె శ్రావ్యను రామ్మోహన్ వివాహం చేసుకున్నారు.
|
|