ట్రెండింగ్
పొలంలో వక్క మొక్కలను ద్వసం చేసిన గుర్తుతెలియని దుండగులు
Andhra Pradesh Telugu | Suryaa Desk | Published : Fri, Jun 21, 2024, 04:12 PM
అనంతపురం జిల్లా, రొళ్ల మండలంలోని బంద్రేపల్లిలో కృష్ణప్ప అనే రైతుకు చెందిన వక్క మొక్కలను అగంతకులు పెరికి వేశారు. ఈ విషయం తెలియడంతో టీడీపీ రాష్ట్ర ఉపాధ్యక్షుడు గుండుమల తిప్పేస్వామి పరిశీలించి రైతుకు ధైర్యం చెప్పారు. గ్రామాల్లో ఇలాంటి విష సంస్కృతిని విడనాడాలని సోదరభావంతో మెలగాలని ఆయన పేర్కొన్నారు. తాను నాటిన 400 మొక్కలలో దాదాపు 100 మొక్కలను గుర్తుతెలియని వ్యక్తులు పెరికి వేయడంతో దాదాపు రూ.20వేలు నష్టం వాటిల్లిం దని బాధిత రైతు వాపోయాడు. ఈసందర్భంగా టీడీపీ మండల అధ్యక్షుడు దాసిరెడ్డి, రాష్ట్ర కార్యదర్శి గురుమూర్తి, మండల కార్యదర్శి ఈరన్న, తెలుగుయువత నాయకుడు బాలకృష్ణ, భరత, మాజీ ఎంపీపీ సిద్దగంగప్ప, పాండురంగప్ప, రామచంద్రప్ప, తదితరులు ఉన్నారు.
|
|