ట్రెండింగ్
ఘోర రోడ్డు ప్రమాదం, ముగ్గురు మృతి
Andhra Pradesh Telugu | Suryaa Desk | Published : Thu, Jun 27, 2024, 04:31 PM
పల్నాడు జిల్లాలో ఘోర రోడ్డు ప్రమాదం జరిగింది. వినుకొండ మండలం, అందుగుల కొత్తపాలెం, సమీపంలో గురువారం తెల్లారుజామున రోడ్డు ప్రమాదం జరిగింది. అతి వేగంగా వచ్చిన ఇన్నోవా వాహనం చెట్టును ఢీ కొంది. ఈ ఘటనలో ముగ్గురు అక్కడికక్కడే మృతి చెందారు. మరో ఐదుగురు తీవ్రంగా గాయపడ్డారు. మృతులు గుంటూరుకు చెందిన వారిగా గుర్తించారు. బళ్లారి నుంచి గుంటూరు వస్తుండగా నిద్రమత్తులో చెట్టును వాహనం ఢీ కొంది. సమాచారం అందుకున్న పోలీసులు సంఘటన ప్రదేశానికి చేరుకుని పోస్టు మార్టం నిమిత్తం మృతదేహాలను వినుకొండ ప్రభుత్వ వైద్యశాలకు తరలించి... క్షత గాత్రులను చికిత్స కోసం ప్రైవేటు ఆస్పత్రికి తరలించారు. ప్రమాదంపై కేసు నమోదు చేసి దర్యాప్తు చేపట్టారు.
|
|