తిరుమల వెళ్లే భక్తులకు బ్యాడ్‌న్యూస్.. ముఖ్యమైన ఆ ఎక్స్‌ప్రెస్ రైలు రద్దు

తిరుమల వెళ్లే భక్తులకు బ్యాడ్‌న్యూస్.. ముఖ్యమైన ఎక్స్‌ప్రెస్‌ రైలును అధికారులు రద్దు చేశారు. విశాఖ-కడప (17488) తిరుమల ఎక్స్‌ప్రెస్ రైలును ఆగస్టు 5 నుంచి 10 వరకు.. అలాగే కడప-విశాఖ (17487) తిరుమల ఎక్స్‌ప్రెస్‌ను ఆగస్టు 6 నుంచి 11 వరకు రద్దు చేసినట్లు వాల్తేరు డివిజన్‌ సీనియర్‌ డీసీఎం కే సందీప్‌ తెలిపారు. దక్షిణ మధ్య రైల్వే పరిధిలోని విజయవాడ డివిజన్‌లో మూడో లైన్‌కు సంబంధించి పూర్వ నాన్‌ ఇంటర్‌ లాకింగ్, ఇంటర్‌ లాకింగ్‌ పనుల కారణంగా ఈ నిర్ణయం తీసుకున్నట్లు తెలిపారు. మరికొన్ని రైళ్లను కూడా రద్దు చేశారు.. పలు రైళ్లను రద్దు చేయడంతో పాటు దారి మళ్లిస్తున్నట్లు రైల్వే అధికారులు ఒక ప్రకటనలో తెలియజేశారు. విజయవాడ డివిజన్‌ పరిధిలోని మూడో కొత్త రైల్వేలైను నిర్మాణంలో భాగంగా.. విజయవాడ, గూడూరు సెక్షన్‌లో నాన్‌ ఇంటర్‌ లాకింగ్‌ పనుల దృష్ట్యా ఈ నిర్ణయం తీసుకున్నట్లు రైల్వేశాఖ అధికారులు తెలిపారు. విజయవాడ- గూడూరు (07500) రైలు ఈ నెల 15వ తేదీ నుంచి 30 వరకు.. గూడూరు- విజయవాడ (07458) రైలు ఈ నెల 16 నుంచి 31 వరకు రద్దు చేశారు. విజయవాడ- ఒంగోలు (07461) ఈ నెల 16 నుంచి 30 వరకు.. ఒంగోలు- విజయవాడ 16 నుంచి 30 వరకు రద్దయ్యాయి. విజయవాడ- గూడూరు (12743/12744) రైలు ఈ నెల 15 నుంచి 30 వరకు.. గూడూరు- విజయవాడ (17259/17260) 16, 23, 24, 30 తేదీల్లో రద్దు చేశారు అధికారులు.

కొన్ని రైళ్లు ((వయా రేణిగుంట, ఎర్రగుంట్ల, నంద్యాల, గుంటూరు మీదుగా) దారి మళ్లించారు. ఎర్నాకుళం- హౌరా (22878) ఈ నెల 15,22,29 తేదీల్లో రద్దు చేశారు. సంత్రాగచి- తాంబరం (22841) ఈ నెల 22,29 తేదీల్లో.. హౌరా- బెంగళూరు (22863) 22వ తేదీ.. మధురై- నిజాముద్ధీన్‌ (12651) ఈ నెల 23,30 తేదీల్లో రద్దు చేసినట్లు ప్రకటించారు. కొన్ని రైళ్లకు సమయ వేళలల్లో మార్పులు చేశారు అధికారులు. చెన్నైసెంట్రల్‌- గయ (12390) ఈ నెల 16, 30 తేదీల్లో 90నిమిషాలు ఆలస్యంగా నడుస్తుందని అధికారులు వెల్లడించారు. తిరునర్వేలి- కత్రా (16787) ఈ నెల 15, 29 తేదీల్లో 90 నిమిషాలు ఆలస్యంగా.. ఆదిలాబాద్‌- తిరుపతి (17406) ఈ నెల 15వ తేదీన 60నిమిషాలు, 22న 150నిమిషాలు, 29న 90నిమిషాలు ఆలస్యంగా నడుస్తుందని తెలిపారు. బెంగళూరు- హతియా (18638) ఈ నెల 16న 210 నిమిషాలు, 30న 150 నిమిషాలు ఆలస్యంగా నడుస్తుంది. నిజాముద్దీన్‌- చెన్నైసెంట్రల్‌ (12612) ఈ నెల 16న 100నిమిషాలు ఆలస్యంగా నడుస్తుంది.. హౌరా- కన్యాకుమారి (12665) 15న 180నిమిషాలు, 22న 120 నిమిషాలు, 29న 90 నిమిషాలు ఆలస్యంగా నడుస్తాయని అధికారులు తెలిపారు.