అక్రమ మద్యం తరలిస్తున్న ఇద్దరు వ్యక్తులు అరెస్ట్
Andhra Pradesh Telugu | Suryaa Desk | Published : Sat, Aug 03, 2024, 03:07 PM
పలాస పరిధిలోని కాశీబుగ్గ మూడురోడ్ల జంక్షన్‌లో ఎస్‌ఈబీ అధికారులు శుక్రవారం కర్ణాటక నుంచి అక్రమంగా తరలిస్తున్న మద్యం స్వాధీనం చేసుకుని ఇద్దర్ని అరెస్టు చేశారు. సీఐ ఎంఆర్‌వీ అప్పారావు తెలిపిన వివరాల మేరకు.. మందస మండల భేతాళపురానికి చెందిన పుక్కల దిలీప్‌కుమార్‌, చెల్లూరి వెంకటేష్‌ 90 ఎంఎల్‌ పరిమాణం ఉన్న 460 టెట్రా ప్యాకెట్లు, 180 ఎంఎల్‌ పరిమాణం ఉన్న 144 మద్యం టెట్రా ప్యాకెట్లు లగేజి బ్యాగుల్లో తరలిస్తున్నారు. మూడురోడ్ల జంక్షన్‌ వద్ద ఎస్‌ఈబీ సిబ్బంది తనిఖీల్లో భాగంగా దిలీప్‌కుమార్‌, చెల్లూరి వెంకటేష్‌ను సోదా చేయగా అక్రమ మద్యం బయట పడింది. వీటిని కర్ణాటకలో కొనుగోలు చేసుకొని ఈ ప్రాంతంలో విక్రయానికి తీసుకువస్తున్నట్లు గుర్తించారు. వీరిపై కేసు నమోదు చేసి పలాస కోర్టులో హాజరుపరిచారు. ఈ దాడుల్లో ఎస్‌ఐలు పీవీ గిరిబాబు, జీవీ రమణారావు, సిబ్బంది పాల్గొన్నారు.
|
|