ద్విచక్ర వాహనాల దొంగ అరెస్ట్
Andhra Pradesh Telugu | Suryaa Desk | Published : Wed, Aug 07, 2024, 06:06 PM
ద్వి చక్రవాహనం దొంగతనం చేసిన ఓ దొంగ శ్రీకాకుళం టూటౌన్‌ పోలీసులకు చిక్కాడు. వివరాల్లోకి వెళ్తే.. శ్రీకాకుళం నగరంలోని రిమ్స్‌ ఆసుపత్రి బయట సిబ్బంది పార్క్‌ చేసిన ద్విచక్ర వాహనాల ను గుర్తుతెలియని వ్యక్తులు చోరీకి పాల్పడ్డారని ఇటీవల రిమ్స్‌ సి బ్బంది టూ టౌన్‌ పట్టణ పోలీసులకు ఫిర్యాదు చేశారు. దీంతో టూటౌన్‌ సీఐ జి.ఉ మామహేశ్వరరావు తన సిబ్బందితో నిఘా వేయించారు. ఈ క్రమంలో మంగళవారం రిమ్స్‌ ఆస్పత్రి వద్ద కాపు కాయగా.. కొమ్ము రాజేష్‌ మళ్లీ బైక్‌ చోరీకి ప్రయత్నిస్తుండగా పట్టుకున్నా రు. రాజేశ్‌ను అదుపులో తీసుకుని సీఐ విచారించగా.. గతంలో మూడు బైక్‌లను చోరీ చేసినట్టు అంగీకరించాడు. అతడి వద్ద ఉన్న మూడు బైక్‌ల ను పోలీసులు స్వాధీనం చేసుకున్నారు. సీఐ కేసు నమోదు చేసి కోర్టులో హాజరు పరిచారు. నిందితుడ్ని చాకచక్యంగా పట్టుకున్న ఎస్‌ఐ హరికృష్ణ, క్రైం సిబ్బందిని సీఐ అభినందించారు.
|
|