కెమెరా పట్టిన చంద్రబాబు.. క్లిక్ మంటూ ఫోటోలు
Andhra Pradesh Telugu | Suryaa Desk | Published : Mon, Aug 19, 2024, 08:03 PM
వరల్డ్ ఫోటోగ్రఫీ డే సందర్భంగా ఏపీ ముఖ్యమంత్రి నారా చంద్రబాబు నాయుడు కెమెరా చేతపట్టారు. ఫోటోలు క్లిక్ మనిపించారు. ఫోటోగ్రఫీ డే సందర్భంగా ఫోటోగ్రాఫర్లకు శుభాకాంక్షలు తెలిపారు. ఉండవల్లిలోని తన నివాసంలో వివిధ పత్రికల్లో పనిచేస్తున్న ఫోటో జర్నలిస్టులు చంద్రబాబును కలిశారు. ఈ సందర్భంగా సిఎం వారిని ఆప్యాయంగా పలకరించారు. వారి చేతిలో కెమేరాను తీసుకుని స్వయంగా సిఎం ఫోటోలు తీశారు. మీడియాలో ఫోటోగ్రఫీ విభాగంలో విధులు చాలా కష్టతరమని వ్యాఖ్యానించిన చంద్రబాబు.. ఈ రంగంలో ప్రతిభ చూపుతున్న వారిని అభినందించారు. నాణ్యమైన సేవలతో ఫోటోగ్రఫీ రంగం బాగుండాలని సిఎం ఆకాంక్షించారు. ఈ కార్యక్రమంలో తెలుగు, ఇంగ్లీష్ పత్రికల్లో పనిచేస్తున్న సీనియర్ ఫోటో జర్నలిస్టులు పాల్గొన్నారు. మరోవైపు రాఖీపండుగ సందర్భంగా పలువురు బ్రహ్మకుమారీలు, టీడీపీ మహిళా నేతలు చంద్రబాబును కలిసి ఆయన చేతికి రాఖీలు కట్టారు. ఈ సందర్భంగా సీఎం వారికి ధన్యవాదాలు తెలిపి శుభాకాంక్షలు తెలిపారు.
|
|