ట్రెండింగ్
బస్టాండ్‌లో మహిళ మృతి
Andhra Pradesh Telugu | Suryaa Desk | Published : Thu, Aug 22, 2024, 10:29 PM
శ్రీకాకుళం జిల్లా, నువ్వలరేవు బస్టాండ్‌లో పోతలు శాంతమ్మ (55) అనే మహిళ బుధవారం మృతి చెందింది. ఎస్‌ఐ సీహెచ్‌ రామారావు వివరాల మేరకు.. పాతపట్నం మండలం రొంపివలసకు చెందిన శాంతమ్మ బెండిగేటు జంక్షన్‌లోని పూరిగుడిసెలో ఉంటూ, ప్రతిరోజూ వివిధ గ్రామాల్లో తిరుగుతూ కరివేపాకు అమ్ము తుంటుంది. అలాగే యాచక వృత్తి కూడా చేస్తుంటుంది. బుధవారం ఉదయం నువ్వలరేవులో కరివేపాకు విక్రయించి విశ్రాంతి కోసం బస్టాండ్‌ వద్దకు వెళ్లింది. అక్కడ నిద్రిస్తూ మృతి చెందింది. స్థానికులు గుర్తించి పోలీసులకు సమాచారం అందించారు. ఘటనా స్థలానికి ఎస్‌ఐ రామారావు చేరుకొని మృతదేహాన్ని పోస్టు నిమిత్తం పలాస ప్రభుత్వాసుపత్రికి తరలించారు. శాంతమ్మ భర్త గోపి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.
|
|