విద్యార్థులు క్రమశిక్షణతో మెలగాలి
Andhra Pradesh Telugu | Suryaa Desk | Published : Fri, Sep 06, 2024, 12:33 PM
ఉపాధ్యాయ వృత్తి ఎంతో పవిత్రమైందని దర్శి టీడీపీ నియోజకవర్గ ఇన్‌చార్జ్‌ డాక్టర్‌ గొట్టిపాటి లక్ష్మి అన్నారు. సమాజంలో గు రువులకు ఉన్నతస్థానం ఉందన్నారు. మండలంలోని రాజంపల్లి జడ్పీ ఉన్నత పాఠశాలలో గురువారం జరిగిన గురుపూజోత్సవ వేడుకల్లో ఆమె ముఖ్యఅతిథిగా పాల్గొన్నారు. ఈసందర్భంగా దివంగత మాజీ రాష్ట్రపతి స ర్వేపల్లి రాధాకృష్ణన్‌ చిత్రపటానికి పూలమాలలు వేసి నివాళులర్పించారు. ప్రధానోపాధ్యాయుడు జి.చంద్రమోహన్‌ను ఘనంగా సన్మానించారు. పా ఠశాల ఆవరణలో మొక్కలు నాటారు. ఈసందర్భంగా లక్ష్మి మాట్లాడుతూ భావిభారత పౌరులను ఉన్నత వ్యక్తులుగా తీర్చిదిద్దే గురుతర బాధ్యత గురువులపైనే ఉందన్నారు. విద్యార్థులు క్రమశిక్షణతో విద్యను అభ్యసించి ఉన్నత శిఖరాలు చేరుకోవాలన్నారు. కార్యక్రమంలో ఎంఈవో కె.రఘు రామయ్య, మాజీ ఎంపీపీ ఫణిదపు వెంకటరామయ్య, దర్శి నగర పంచా యతీ చైర్మన్‌ నారపుశెట్టి పిచ్చయ్య, వి.నాగమణి, శ్రీనివాసులు, తదితరు లు పాల్గొన్నారు. అలాగే, మండలంలోని పాఠశాలల్లో గురుపూజోత్సవ వేడుకలను ఘనంగా నిర్వహించారు.
|
|