భూమా అఖిలప్రియ ఆధ్వర్యంలో వరద బాధితులకి సాయం
Andhra Pradesh Telugu | Suryaa Desk | Published : Fri, Sep 06, 2024, 01:50 PM
వరద బాధితుల కోసం సీఎం సహాయ నిధి కింద గురువారం ఆళ్లగడ్డ ఎమ్మెల్యే భూమా అఖిలప్రియకు చాకరాజువేముల టీడీపీ నాయకులు రూ.43 వేలు విరాళం అందజేశారు. చాకరాజువేముల గ్రామానికి చెందిన టీడీపీ నాయకులు లింగుట్ల వెంకట్నాయుడు, పుల్లయ్య నాయుడు, ఎండూరి గోపాల్నాయుడు, బరిగెల నరసింహుడు, క్రిష్ణగుర్రప్ప యాదవ్, నారాయణస్వామి, దొర్నిపాడు సొసైటీ మాజీ అధ్యక్షుడు సిద్ధి సత్యం, శ్రీనివాసులు తమ వంతుగా వరద బాధితుల సహాయం కోసం విరాళం అందజేశారు. అలానే, చాగలమర్రి మండల కన్వీనర్ నరసింహారెడ్డి, ఆయా గ్రామాల టీడీపీ నాయకులు కలిసి రూ.1.60 లక్షలు విరాళంగా అందజేశారు. మల్లేవేముల గ్రామానికి చెందిన టీడీపీ నాయకులు రూ.60 వేలు, రాంపల్లి, తోడెండ్లపల్లె, పెద్దవంగలి, చింతలచెరువు, నేలంపాడు, చక్రవర్తులపల్లె, చిన్నవంగలి గ్రామాలకు చెందిన టీడీపీ నాయకులు కలిసి రూ.లక్ష విరాళం ఎమ్మెల్యేకు అందజేశారు. అలానే రుద్రవరం టీడీపీ మండల నాయకులు రూ1.80 లక్షలు, ఉయ్యాలవాడ టీడీపీ మండల నాయకులు రూ.లక్ష, నియో జకరవర్గంలోని విద్యా సంస్థలు రూ.లక్ష, వ్యాపారులు రూ.2 లక్షలు, రైతులు ఇచ్చిన బియ్యం, కందిబేడలను సీఎం సహాయ నిధికి అందజేశారు.
|
|