అందమైన ఆఫీసర్, రూ.71కోట్ల అవినీతి.. 58మందితో లైంగిక సంబంధాలు

ప్రభుత్వ ఉద్యోగాన్ని అడ్డం పెట్టుకుని.. కొందరు అవినీతి ఉద్యోగులు కోట్లాది రూపాయలను అక్రమంగా ఆర్జింజిన సంఘటనలు ఎన్నో చూస్తున్నాం. సాధారణంగా ప్రభుత్వ ఉద్యోగులు తమ అధికారాన్ని చూపించి డబ్బులు వసూలు చేస్తారు. అయితే ఈమె మాత్రం అధికారంతోపాటు తన అందాన్ని కూడా ఉపయోగించుకుని అక్రమ సంపాదనకు తెరలేపింది. ఓవైపు లంచాలు తీసుకుంటూనే తన అందంతో ఆ వ్యవహారం బయటికి రాకుండా జాగ్రత్త పడింది. ఈ క్రమంలోనే తన అవినీతి చిట్టా బయటపడకుండా అక్రమ సంబంధాలకు తెరతీసింది. ఒకరు కాదు ఇద్దరు కాదు ఏకంగా 58 మందితో లైంగిక సంబంధాలను నడిపింది. చివరికి ఆమె బాగోతం బయటపడటంతో జైలు పాలైంది. ఈ సంఘటన చైనాలో చోటు చేసుకుంది.

52 ఏళ్ల జాంగ్ యాంగ్ వ్యవహారం ఇది. గవర్నర్‌గా పనిచేస్తున్న జాంగ్ యాంగ్ కథ వింటే కళ్లు బైర్లు కమ్మాల్సిందే. ఎందుకంటే అవినీతి సంపాదన, దాన్ని దాచేందుకు అక్రమ సంబంధాలతో ఆమె నడిపిన వ్యవహారాలు అంతలా ఉన్నాయి. తనకు ఉన్న అందం, అధికారంతో అవినీతిని, అక్రమ సంబంధాలను సమానంగా నడిపింది. బ్యూటిఫుల్ గవర్నర్‌గా పేరు తెచ్చుకున్న జాంగ్ యాంగ్ అదే అందాన్ని తన అక్రమార్జనకు పెట్టుబడిగా పెట్టింది. చివరికి ఆమెకు 13 ఏళ్ల జైలు శిక్ష పడగా.. 1.4 లక్షల డాలర్లు అంటే మన భారత కరెన్సీలో దాదాపు రూ.12 లక్షలు జరిమానా కూడా విధించారు.

చైనాలోని గిజావ్ ప్రావిన్స్‌లోని కియానన్ ప్రిఫెక్చర్‌లో జాంగ్ యాంగ్ అనేక అవినీతి వ్యవహారాలకు పాల్పడింది. సామన్య కుటుంబం నుంచి వచ్చిన జాంగ్ యాంగ్.. 22 ఏళ్లకే రాజకీయ ప్రస్థానం ప్రారంభించింది. కమ్యూనిస్ట్ పార్టీలో చేరిన జాంగ్ యాంగ్ రైతుల కోసం కో ఆపరేటివ్ సొసైటీని ఏర్పాటు చేసి మంచి పేరు తెచ్చుకుంది. ఈ క్రమంలోనే కమ్యూనిస్ట్ పార్టీలో క్రమంగా ఎదిగిన జాంగ్ యాంగ్.. ఎట్టకేలకు కియానన్ ప్రిఫెక్చర్‌కు డిప్యూటీ గవర్నర్, గవర్నర్‌గా ఎదిగింది. అయితే తన అధికారాన్ని అడ్డుపెట్టుకుని.. ఆమె విచ్చలవిడిగా రెచ్చిపోయింది. ఈ క్రమంలోనే లంచగొండి అధికారిణిగా పేరు తెచ్చుకున్న్ జాంగ్ యాంగ్ ఏకంగా 60 మిలియన్ యువాన్లు అంటే దాదాపు మన భారత కరెన్సీలో దాదాపు రూ.71 కోట్ల వరకు కూడబెట్టింది. ఇక ఆమె అక్రమాలు బయటికి రాకుండా ఏకంగా 58 మందితో అక్రమ సంబంధాలు కూడా పెట్టుకుంది.

ఇక తన అందాన్ని ఆశగా చూపించిన జాంగ్ యాంగ్ ఎంతో మందిని లొంగదీసుకుంది. వారితో శారీరకంగా సంబంధాలు పెట్టుకుంది. తన ఆఫీస్‌లో కింది స్థాయి ఉద్యోగులతో కూడా ఆమె లైంగిక సంబంధాలు పెట్టుకున్నట్లు అధికారులు గుర్తించారు. ఇక జాంగ్ యాంగ్ ఎప్పుడూ నైట్ క్లబ్‌లో పురుషులతోనే తిరుగుతుందని తెలుస్తోంది. అంతేకాకుండా ఆమె బ్యాగులో ఎప్పుడూ కండోమ్‌లు ఉండేవని స్థానిక మీడియా పేర్కొంది. జాంగ్ యాంగ్‌కు మొత్తం 58 ప్రేమికులు ఉన్నట్టు అక్కడి మీడియాలో వార్తలు రావడం పెను సంచలనంగా మారింది.

ఇక గతేడాది చైనాలోని స్థానిక మీడియా నిర్వహించిన ఓ స్టింగ్ ఆపరేషన్‌లో జాంగ్ యాంగ్ బండారం మొత్తం బయటికి వచ్చింది. ఆమె అనైతిక ప్రవర్తన, అక్రమాలకు సంబంధాల గురించి కమ్యూనిస్ట్ పార్టీ దర్యాప్తు ప్రారంభించింది. ఆ తర్వాత ఆమెను పార్టీ నుంచి సస్పెండ్ చేశారు. ఈ క్రమంలోనే ఆమెపై ఫిర్యాదులు రావడంతో పోలీసులు కేసు నమోదు చేసి కోర్టు ముందు హాజరు పరిచారు. ఆమెకు వ్యతిరేకంగా సాక్షాలు రుజువు కావడంతో 13 ఏళ్ల జైలు శిక్ష విధించారు. అంతేకాకుండా 1.4 లక్షల డాలర్లు అంటే మన కరెన్సీలో దాదాపు రూ.13 లక్షల ఫైన్ విధించారు.