సనాతన ధర్మంపై పవన్ వ్యాఖ్యలను సమర్థించిన బీజేపీ ఎంపీbబండి సంజయ్
Andhra Pradesh Telugu | Suryaa Desk | Published : Tue, Sep 24, 2024, 06:12 PM_4123.jpg)
హిందూ ధర్మం జోలికి ఎవరు రావొద్దు. హిందువులకు మనోభావాలు ఉండవా?. ఆలయాలలో అపవిత్రమైన పనులు జరుగుతుంటే చూస్తూ ఊరుకోవాలా. సనాతన ధర్మంపై అడ్డగోలుగా మాట్లాడితే మాత్రం చూస్తూ ఊరుకునేది లేదు’ అంటూ ఇవాళ (మంగళవారం) ఇంద్రకీలాద్రి వేదికగా వ్యాఖ్యానించిన ఏపీ డిప్యూటీ సీఎం పవన్ కల్యాణ్‌కు కేంద్ర మంత్రి, బీజేపీ సీనియర్ నేత బండి సంజయ్ సంపూర్ణ మద్దతు ప్రకటించారు.ఆంధ్రప్రదేశ్ డిప్యూటీ సీఎం పవన్ కల్యాణ్ శక్తిమంతమైన మాటలు మాట్లాడారని, సంపూర్ణంగా ఆయనకు మద్దతుగా నిలుస్తానని బండి సంజయ్ అన్నారు. ‘‘ సనాతన ధర్మంతో ఎవరైనా పెట్టుకుంటే మా హిందువులమంతా న్యాయబద్ధంగా గొంతు విప్పుతాం. లౌకికవాదం అనేది రెండు మార్గాలు ఉన్న వీధి లాంటిది. ఇతరులు సౌలభ్యంగా ఉండి మమ్మల్ని కొడుతుంటే దెబ్బలు తింటామని భావిస్తున్నారేమో అది జరగదు. పంచింగ్ బ్యాగ్స్ మాదిరిగా మౌనంగా ఉండబోము’’ అని బండి సంజయ్ వ్యాఖ్యానించారు.ఈ మేరకు ఎక్స్ వేదికగా బండి సంజయ్ స్పందించారు. ‘‘పరిత్రాణాయ సాధూనాం వినాశాయ చ దుష్కృతామ్. ధర్మసంస్థాపనార్థాయ సంభవామి యుగే యుగే ” అని జోడించారు.
|
|