భార్య లైంగిక వేధింపులతో భర్త ఆత్మహత్యాయత్నం

భార్య వేధింపులు తట్టుకోలేక భర్త ఆత్మహత్యకు యత్నించిన ఘటన కాకినాడలో చోటుచేసుకుంది. కాకినాడ సూర్యానారాయణపురంలో ఓ భర్త.. భార్య లైంగిక వేధింపులు తట్టుకోలేకపోతున్నానంటూ ఆత్మహత్యకు యత్నించాడు. తన బాధను అంతటినీ కాగితంపై రాసి ఆత్మహత్యకు యత్నించాడు. భార్య పెట్టే వేధింపులు తీవ్రం అయ్యాయని లేఖలో వాపోయాడు. అత్తామామ, బావ మరిది వేధిస్తున్నారని.. గట్టిగా అడిగితే కేసు పెట్టారని లేఖలో తన బాధ వెళ్లగక్కాడు. తన భార్య ప్రవర్తన అసలు బాగోలేదని.. పెళ్లైన కొత్తలో వాళ్ల బావతో చాటింగులు చేసిందని, ఆ తర్వాత ఆషాడమాసం నెలలో అమ్మగారింటికి వెళ్లి పొరుగు వారితో కూడా చాటింగులు చేసిందని ఆరోపించాడు. ఇక రాత్రిళ్లు లైంగికంగా చాలా హింసించేదని.. చివరకు తన మేనల్లుడిని కూడా వేధింపులకు గురిచేసిందంటూ బాధితుడు లేఖలో వాపోయారు.

బాధితుడు లేఖలో ఏం రాశాడంటే.."నా భార్య, అత్త, మామ, బావమరిది వేధింపులు తట్టుకోలేకపోతున్నా. పెళ్లి అయినప్పటి నుంచి నన్ను వేధిస్తున్నారు. మా అత్త, మా ఆవిడ కలిస్తే చాలు.. వెంటనే మా మధ్య గొడవ మొదలౌతుంది. మా కాపురం చెడిపోవడానికి మా ఆవిడతో పాటుగా, మా అత్త కూడా కారణం. 2023లో నా బావమరిది కారణంగా నాకు, మా ఆవిడకు గొడవైంది. ఈ క్రమంలో నేను ఆమెపై చేయిచేసుకున్నా. దీంతో వాళ్ల ఊరులో నాపై కేసు పెట్టారు. అయితే అక్కడి పోలీసులు ఈ వ్యవహారాన్ని సెటిల్ చేసి పంపించారు. అయితే పోలీసులు నన్ను ఏమీ చేయలేదనే కోపంతో మా అత్తామామ.. పదే పదే నాపై పోలీస్ స్టేషన్‌లో ఫిర్యాదు చేయడానికి వెళ్లేవారు. అయితే పోలీసులు కేసు తీసుకోకపోవటంతో అప్పటి నుంచి నన్ను మానసికంగా, ఆర్థికంగా వేధిస్తున్నారు. మా కుటుంబం మీద వరకట్నం, గృహహింస కేసు పెడతామని బెదిరిస్తున్నారు."

"ఇక నా భార్య అయితే నాలుగు గోడల మధ్య నన్ను హింసిస్తోంది. లైంగికంగా వేధిస్తోంది. ఇదీ సమస్య అని ఎవరితోనూ చెప్పుకోలేకపోతున్నా. రాత్రి అయితే చాలు తన సెక్స్ కోరికలతో చిత్రహింసలు పెడుతోంది. వాళ్లబావతోనూ, ఊర్లో వేరే వ్యక్తితోనూ చాటింగ్ చేసేది. ఇవన్నీ నేను నిలదీస్తే వాళ్ల అమ్మానాన్న నాపైనే కేసు పెడతామంటున్నారు. ఇవన్నీ తట్టుకోలేక చనిపోదామనుకుంటే బాబు గుర్తొచ్చి ఆగిపోతున్నా. అయితే తన ప్రవర్తన మరీ దిగజారిపోయింది. ఆరేళ్ల నా మేనల్లుడిని కూడా లైంగికంగా వేధిస్తోంది. ఇవన్నీ భరించలేకపోతున్నా. అమ్మా నాన్న నన్ను క్షమించండి.. నాకు చావు తప్ప వేరే మార్గం లేదు. చెల్లి నన్ను క్షమించు. నా వల్లన నీ కొడుకు కూడా వేధింపులకు గురయ్యాడు" అంటూ బాధితుడు లేఖలో వాపోయాడు.