ట్రెండింగ్
ప్రమాదవశాత్తు లోయలో పడిన బస్సు, పలువురికి గాయాలు
Andhra Pradesh Telugu | Suryaa Desk | Published : Wed, Oct 23, 2024, 08:05 PM
వైఎస్ఆర్ జిల్లాలో ఘోర ప్రమాదం చోటు చేసుకుంది. పులివెందుల సమీపంలో అదుపుతప్పిన ఏపీఎస్‌ఆర్టీసీ బస్సు 30అడుగుల లోయలో పడిపోయింది. ఈ ప్రమాదంలో సుమారు 20 మంది ప్రయాణికులకు తీవ్రగాయాలు కాగా.. ఇద్దరి పరిస్థితి విషమంగా ఉన్నట్లు తెలుస్తోంది. ఎదురుగా వస్తున్న లారీని తప్పించపోయిన బస్సు ప్రమాదవశాత్తూ 30అడుగల లోయలో పడింది. ప్రమాదాన్ని గమనించిన స్థానికులు వెంటనే లోయ వద్దకు పరుగులు పెట్టారు.
సమాచారాన్ని పోలీసులకు అందించగా వారూ హుటాహుటిన ఘటనా స్థలానికి చేరుకున్నారు. స్థానికులు, పోలీసులు కలిసి బస్సులోని వారిని బయటకు తీశారు. గాయాలపాలైన బాధితులను హుటాహుటిన పులివెందుల ప్రభుత్వ ఆస్పత్రికి తరలించి చికిత్స అందిస్తున్నారు. పల్లె వెలుగు ఆర్టీసీ బస్సు కదిరి నుంచి పులివెందులకు వెళ్తుండగా ప్రమాదం జరిగినట్లు తెలుస్తోంది.
|
|