ట్రెండింగ్
రోడ్డు ప్రమాదంలో ఒకరు మృతి, ముగ్గురికి గాయాలు
Andhra Pradesh Telugu | Suryaa Desk | Published : Tue, Nov 26, 2024, 05:53 PM
ప్రకాశం జిల్లా, బేస్తవారపేట మండలం శాంతినగర్‌ వద్ద సోమవారం వేకువజామున దుర్ఘటన చోటుచేసుకొంది. వివరాల్లోకి వెళితే.. కర్నూలుకు చెందిన నలుగురు యువకులు కారులో ఒంగోలుకు వచ్చారు. అక్కడ ఓ ఇంటర్వ్యూకు హాజరై తిరిగి కర్నూలుకు బయల్దేరారు. అమరావతి-అనంతపురం జాతీయ రహదారిపై మండలంలోని శాంతినగర్‌ వద్దకు వచ్చే సరికి వారి కారు అదుపు తప్పి ముందు వెళుతున్న ట్రాక్టర్‌ను వెనుకభాగంలో ఢీకొట్టింది. రెప్పపాటులో జరిగిన ఈ ప్రమాదంలో కారులో ప్రయాణిస్తున్న పఠాన్‌ ఇమ్రాన్‌ఖాన్‌ (35) అక్కడికక్కడే మృతి చెందాడు. ఆయన తమ్ముడు పఠాన్‌ ఇర్ఫాన్‌ఖాన్‌, అల్థాఫ్‌ మాష్‌, ఖాజా బాషాలు గాయపడ్డారు. వీరిని 108లో గిద్దలూరు ప్రభుత్వ వైద్యశాలకు తరలించారు. మృతుడికి భార్య, ఇద్దరు పిల్లలు ఉన్నారు. ఏఎస్సై నారాయణరెడ్డి కేసు దర్యాప్తు చేస్తున్నారు.
|
|