పార్లమెంట్‌లో ప్రియాంకా గాంధీ ప్రమాణస్వీకారం
national | Suryaa Desk | Published : Thu, Nov 28, 2024, 02:28 PM
కేరళలోని వాయనాడ్ లోక్ సభ స్థానం నుంచి గెలుపొందిన కాంగ్రెస్ ఎంపీ ప్రియాంకా గాంధీ వాద్రా.. ఇవాళ లోక్‌సభలో ప్రమాణ స్వీకారం చేశారు. ఆమెతోపాటూ మరికొందరు ప్రమాణాలు చేసినా..ప్రియాంకా గాంధీ ప్రమాణం హైలెట్ అయ్యింది. ఆమె.. మాజీ ప్రధాని ఇందిరా గాంధీని తలపించేలా.. అదే లుక్‌లో కనిపించడం హాట్ టాపిక్ అయ్యింది.ప్రియాంకా గాంధీ తన చేతిలో చిన్న రాజ్యాంగం ప్రతిని పట్టుకొని.. రాజ్యాంగంపై ప్రమాణం చేస్తూ.. తనకు అప్పగించిన బాధ్యతల్ని శ్రద్ధాసక్తులతో నిర్వహిస్తానని అన్నారు. ఆ తర్వాత సభ్యులకు ధన్యవాదాలు తెలిపారు. దాంతో సభ అంతటా హర్షాతిరేకాలు వ్యక్తం అయ్యాయి.అంతకు ముందు ప్రియాంకా గాంధీ.. తన తల్లి, రాజ్యసభ ఎంపీ సోనియా గాంధీతో కలిసి.. పార్లమెంట్ భవనం దగ్గరకు వచ్చారు. దాంతో అక్కడున్న మీడియా మిత్రులు ఆమెను కవర్ చేశారు. ఈ సందర్భంగా.. తొలిసారి ఇలా రావడం, ఎంపీ కావడం ఎలా అనిపిస్తోందని అడిగితే... ఐ యామ్ వెరీ హ్యాపీ అని ఆన్సరిచ్చారు.
|
|