టీటీడీకి క్షమాపణలు చెప్పినా బిగ్ బాస్ కంటెస్టెంట్
Andhra Pradesh Telugu | Suryaa Desk | Published : Tue, Dec 03, 2024, 05:22 PM
బిగ్ బాస్ ఫేమ్ ప్రియాంక జైన్, శివ్ కుమార్ లు శ్రీవారి భక్తులకు, టీటీడీకి క్షమాపణలు చెప్తూ మంగళవారం వీడియో విడుదల చేశారు. తాము తిరుమల వచ్చినప్పుడు సరదా కోసం చేసిన వీడియో ద్వారా భక్తుల మనోభావాలు దెబ్బతింటాయని ఊహించలేదని.. కేవలం వినోదం కోసమే ఆ వీడియో చేశామని అన్నారు.
తిరుమల పవిత్రతను దెబ్బ తీయాలనో.. లేక భక్తుల మనోభావాలు కించపరచాలనే ఉద్దేశం తమకు లేదని.. తెలియక చేసిన తప్పును మీరందరూ క్షమించాలని కోరుతున్నామని.. పేర్కొంటూ ప్రియాంక, శివ కుమార్ వీడియో విడుదల చేశారు.కాగా బిగ్ బాస్ ఫేమ్ ప్రియాంక జైన్ వివాదంలో చిక్కుకున్నారు. గత నెల నవంబర్ 27న తన స్నేహితుడు శివకుమార్తో కలిసి తిరుమల నడక మార్గంలో చేసిన ప్రాంక్ వీడియో ఆమెను చిక్కుల్లో పడేసింది. కొద్ది రోజుల క్రితం అలిపిరి మెట్ల మార్గంలో చిరుత ఎటాక్ చేసిందంటూ రీల్ను ప్రియాంక అప్ లోడ్ చేశారు. చివరికి చిరుత లేదు.. అది ప్రాంక్ వీడియో అని తెలిసింది. ప్రస్తుతం ఈ వీడియో సామాజిక మాద్యమాల్లో వైరల్గా మారింది. తిరుమల పవిత్రతను దెబ్బ తీసిన ప్రియాంకపై చర్యలు తీసుకోవాలని భక్తులు డిమాండ్ చేశారు.
|
|