వాస్తు, జ్యోతిష్యంలో ప్రత్యేక కోర్సులు,,,ఐసీఏఎస్ అధ్భుతమైన అవకాశం

ప్రపంచవ్యాప్తంగా, మన దేశంలో సాంకేతికత పెరిగింది.. ప్రజల జీవన విధానంలో కూడా ఎన్నో మార్పులు వచ్చాయి. ఎన్ని మారినా సరే మన పూర్వీకుల నుంచి వస్తున్న వాస్తు, జ్యోతిష్యంపై మాత్రం నమ్మకం తగ్గడం లేదు.. ప్రతి ఒక్కరూ ఇప్పటికీ ప్రాధాన్యం ఇస్తున్నారు. జీవితంలో ఏదైనా ముఖ్యమైన పనిని మొదలు పెట్టాలంటే కచ్చితంగా వాస్తుతో పాటుగా జ్యోతిష్యాన్ని కూడా పరిగణలోకి తీసుకుంటున్నారు ప్రజలు. కొత్తగా చేపట్టబోయే పనులకు సంబంధించి.. వారి, వారి రాశులు, జాతకాలు, గ్రహ స్థితుల ప్రకారం మంచి ముహూర్తం చూసుకుని మరీ ప్రారంభిస్తున్నారు. ముఖ్యంగా ఇళ్లకు భూమిపూజ, గృహ ప్రవేశాలు, వ్యాపారాలకు సంబంధించిన భవనాల నిర్మాణం, కొత్తగా వ్యాపారాలు ప్రారంభించేప్పుడు, కొత్తగా చేపట్టే ఇతర కార్యక్రమాలు, రాజకీయ నాయకులు పార్టీ కార్యాలయాలు, సినిమా ప్రారంభోత్సవాలకు.. ఇలా సందర్భం ఏదైనా సరే వాస్తు, జ్యోతిష్యాలకు ఎక్కువ ప్రాధాన్యం ఇస్తున్నారు.

మన దేశంలో, తెలుగు రాష్ట్రాల్లో వాస్తు, జ్యోతిష్య రంగాలకు రోజు రోజుకి ఆదరణ పెరుగుతుందనే చెప్పాలి. ఈ క్రమంలో ICAS (ఇండియన్ కౌన్సిల్ ఆఫ్ ఆస్ట్రొలాజికల్ సైన్సెస్) జ్యోతిష్యం, వాస్తుకు సంబంధించి సరికొత్త కోర్సుల్ని (సర్టిఫికేట్ కోర్సులు) అందుబాటులోకి తీసుకొచ్చింది. ఇండియన్ కౌన్సిల్ ఆఫ్ ఆస్ట్రొలాజికల్ సైన్సెస్ (ICAS) ఆరు నెలలు, ఏడాది పాటూ ఉండే కోర్సుల్ని తీసుకొచ్చింది. ఇంగ్లీష్‌తో పాటుగా తెలుగు (మాధ్యమాల్లో) మీడియంలలో ఈ కోర్సుల్ని అందిస్తోంది ఇండియన్ కౌన్సిల్ ఆఫ్ ఆ స్ట్రొలాజికల్ సైన్సెస్. ఈ కోర్సుల్లో జ్యోతిష్య ప్రవీణ, జ్యోతిష్య విశారద, నాడీ ప్రవీణ, వాస్తు ప్రవీణ, హస్తరేఖ ప్రవీణ వంటివి ఉన్నాయి. ఇండియన్ కౌన్సిల్ ఆఫ్ ఆస్ట్రొలాజికల్ సైన్సెస్ అందిస్తున్న కోర్సుల వివరాలు ఇలా ఉన్నాయి..

> జ్యోతిష్య ప్రవీణ - ఏడాది కోర్సు

> జ్యోతిష్య విశారద - ఏడాది కోర్సు

> హస్తరేఖ ప్రవీణ/ హస్తరేఖ విశారద - 6 నెలలు

> వాస్తు ప్రవీణ/ వాస్తు ఆచార్య - 6 నెలలు

> నాడీ ప్రవీణ/ నాడి విశారద - 6 నెలలు

> నాడీ పోస్ట్ విశారద

> పోస్ట్ విశారద పరాశర

వాస్తు, జ్యోతిష్య రంగాలకు అందిస్తున్న కోర్సుల్లో పరిమితమైన సీట్లు మాత్రమే ఉన్నాయని ఇండియన్ కౌన్సిల్ ఆఫ్ ఆస్ట్రొలాజికల్ సైన్సెస్ తెలిపింది. ఈ కోర్సుల కోసం ముందుగా దరఖాస్తు చేసుకున్న వారికి (ఫస్ట్ కమ్ ఫస్ట్ సర్వ్‌డ్ బేసిస్) ప్రాధాన్యం కింద సీట్లు కేటాయిస్తామని ఐసీఏఎస్ నిర్వాహకులు ఒక ప్రకటనలో తెలిపారు. ఆసక్తి ఉన్నవారు ఈ కోర్సుల్లో చేరాలనుకుంటే తమను సంప్రదించాలని సూచించారు నిర్వాహకులు. డాక్టర్ బి.వి. రామన్ ఈ ఇండియన్ కౌన్సిల్ ఆఫ్ ఆస్ట్రొలాజికల్ సైన్సెస్ సంస్థను 1984లో స్థాపించారు. ప్రధానంగా ఆస్ట్రాలజీ రంగంలో పరిజ్ఞానాన్ని అందించడంతో పాటుగా వివిధ కోర్సులను అందించే లక్ష్యంతో ఈ సంస్థను ప్రారంభించారు. ప్రస్తుతం ఐసీఏఎస్ వ్యవహారాలను రిటైర్డ్ ఐఏఎస్ ఏబీ శుక్లా చూసుకుంటున్నారు.

ఇండియన్ కౌన్సిల్ ఆఫ్ ఆస్ట్రొలాజికల్ సైన్సెస్ అందిస్తున్న వాస్తు, జ్యోతిష్య రంగాల కోర్సులు, ఇతర వివరాలకు ఫోన్ నంబర్: 9550763909ను సంప్రదించాలని నిర్వాహకులు సూచించారు. అలాగే మరికొంత సమాచారం కోసం తమ అధికారిక వెబ్‌సైట్‌ https://icasindia.org/ ను సందర్శించాలని కోరారు. తెలుగు రాష్ట్రాల నుంచి ఎంతోమంది ఈ వాస్తు, జ్యోతిష్యం కోర్సులు పూర్తి చేసి ఉన్నారు.. ఆసక్తి ఉన్నవారికి ఇది సువర్ణ అవకాశమని చెప్పాలి.