శరణార్థులంతా తిరిగొచ్చేయండి.. మానవ హక్కులను పరిరక్షిస్తాం: సిరియా నూతన ప్రధాని

 సిరియా దేశాధ్యక్షుడిపై తిరుగుబాటు చేసి.. బషర్ అల్ అస్సాద్ దేశం విడిచి పారిపోయేలా చేసిన మహమ్మద్ అల్ బషీర్ జోలానీ.. ఆ దేశ ప్రధానిగా అధికారం చేజిక్కంచుకున్నారు. ఆ తర్వాత తొలిసారి మీడియాతో మాట్లాడుతూ.. సిరియా ప్రజలకు పలు హామీలు ఇచ్చారు. సిరియా నూతన ప్రధానిగా అధికారంలోకి వచ్చిన మహమ్మద్ అల్ బషీర్ జోలానీ.. మైనార్టీ హక్కులను పరిరక్షిస్తానని హామీ ఇచ్చారు. అలాగే దేశం నుంచి శరణార్థులుగా వెళ్లిన వారంతా తిరిగి దేశానికి వచ్చేయాలని సూచించారు.

మైనార్టీ వర్గానికి చెందిన దేశంలోని అన్ని వర్గాల ప్రజలకు తోడుగా ఉంటానని సిరియా నూతన ప్రధాని చెప్పుకొచ్చారు. మానవ హక్కుల పరిరక్షణ కోసం తాను ఏమైనా చేస్తానని తెలిపారు. సిరియా అంతర్యుద్ధంలో భాగంగా.. దేశంలోని సగం మంది నిరాశ్రయులు అయ్యారని వివరించారు. అలాగే 6 మిలియన్ల మంది విదేశాల్లో ఆశ్రయం పొందుతున్నారని ఆవేదన వ్యక్తం చేశారు. ప్రస్తుతం సిరియా స్వేచ్ఛ, గౌరవాలతో వర్ధిల్లుతుందని.. విదేశాలకు శరణార్థులుగా వెళ్లిన వారంతా తిరిగి రావాలని అల్ జోలానీ కోరారు. అలాగే డమాస్కన్ ప్రధాన విమానాశ్రయాన్ని త్వరలోనే తిరిగి తెరవబోతున్నట్లు ప్రకటించారు.

అసద్ పాలనలో పడ్డ ఇబ్బందులు, సమస్యలు ఇక ముందు ఉండబోవని అల్ జోలానీ వ్యాఖ్యానించారు. అలాగే గత ప్రభుత్వం వల్ల బాధించబడ్డ వారందరికీ అండగా ఉండడమే తమ ప్రభుత్వ లక్ష్యం అని పేర్కొన్నారు. అంతేకాకుండా దేశం నుంచి పారిపోయిన అధికారులను తిరిగి తమకు అప్పగించాలని.. సిరియా నూతన ప్రధాని అన్ని దేశాలను కోరారు. ఇదంతా ఇలా ఉండగా.. సిరియాలో అంతర్యుద్ధం ప్రారంభైమన మూడో రోజునే దేశ రాజధాని అయిన డమాస్కన్‌ను చేజిక్కుంచుకున్న HTS 50 ఏళ్ల అసద్ కుటుంబ పాలనకు అంతం పలికింది.

అసద్ దేశం విడిచి పారిపోయిన విషయం తెలియగానే.. దేశ ప్రజలంత పండుగలు చేసుకున్నారు. అందరూ వీధుల్లోకి చేరి అస్సాద్ ఈజ్ గాన్, లాంగ్ లివ్ సిరియా అంటూ కేరింతలు కొట్టారు. అసద్‌కు వ్యతిరేక నినాదాలు చేస్తూ.. ఆయన అధికార గృహాన్ని ముట్టడించారు. అక్కడి చాలా వస్తువులను ధ్వంసం చేశారు. అలాగే చాలా మంది తమకు నచ్చిన వస్తువులను అక్కడి నుంచి తమ ఇళ్లకు తీసుకు వెళ్లారు. అసద్ తండ్రి సమాధాని కూడా తగులబెట్టారు. ఇదే అదునుగా చేసుకున్న ఇజ్రాయెల్ సిరియాపై యుద్ధం చేస్తోంది. అనేక దాడులు చేస్తూ.. రెచ్చిపోతుంది. మరి వీటన్నిటినీ నూతన ప్రధాని ఎలా తిప్పికొడతారో చూడాలి.