అతడితో ముద్దు ఆమెను చావు అంచుల దాకా తీసుకెళ్లింది.. ప్రొడ్యూసర్ రియల్ స్టోరీ

ముద్దు అనేది మనలోని ప్రేమను ఇతరులకు వ్యక్తపరిచేందుకు ఉపయోగించే ఓ మంచి ప్రక్రియ. ప్రియమైన వాళ్లను ముద్దు పెట్టుకుంటే వచ్చే శక్తి, కిక్కు వేరే లెవెల్. అలాగే అనుకుంది ఓ 18 ఏళ్ల అమ్మాయి. తనకు నచ్చిన అబ్బాయితో మాట్లాడుతూ.. మాట్లాడుతూ.. ముద్దు పెట్టేసింది. అతడితో ముద్దును బాగానే ఎంజాయ్ చేసింది. కానీ ఆ తర్వాత కాసేపటికే ప్రాణాలు పోగొట్టుకునే స్థాయికి వచ్చింది. అయితే అందుకు కారణం ఆ ముద్దేనని తెలుసుకుని షాక్ అయింది. ఆ అమ్మాయికి ముద్దు వల్ల వచ్చిన ప్రాణాంతక సమస్య ఏంటి, దాని నుంచి ఎలా బయటపడిందో మనం ఇప్పుడు తెలుసుకుందాం.

లండన్‌కు చెందిన 28 ఏళ్ల వయసు కల్గిన టాప్ ప్రొడ్యూసర్ ఫోబ్ కాంప్‌బెల్ హారిస్ గురించి అందరికీ తెలిసిందే. అయితే ఓ అబ్బాయిని ముద్దు పెట్టుకుని చావు అంచుల వరకు వెళ్లింది కూడా ఈమేనని మాత్రం ఎవరికీ తెలియదు. తనకు 18 ఏళ్ల వయసు ఉన్నప్పుడు తన స్నేహితుడి పుట్టిన రోజు కోసం ఫోబ్.. పారిస్ వెళ్లింది. అందరితో కలిసి ఆహ్లాదంగా గడిపిన ఆమె వాళ్లతోనే ఓ బార్‌కు వెళ్లింది. ఆ తర్వాత ఓ క్లబ్‌కు వెళ్లారు. అక్కడే ఫోబ్‌కు ఓ యువకుడు నచ్చాడు. అతడి వద్దకు వెళ్లి మరీ తానే మాట్లాడింది. ఇద్దరి మధ్య స్నేహం కుదరడం.. ఒకరంటే ఒకరు నచ్చడంతో ఇద్దరూ ముద్దు పెట్టుకున్నారు. చాలాసేపు అతడితో ముద్దును ఎంజాయ్ చేసిన ఫోబ్.. ఆ తర్వాత కాసేపటికే ప్రాణాల మీదకు తెచ్చుకుంది.

 ముందుగా తన గొంతు అంతా తడారిపోయి తీవ్ర నొప్పి కల్గింది. ఆ తర్వాత మింగడం కష్టంగా మారగా.. తనకు ఏదో జరుగుతుందని భావించిన ఆమె బాత్రూంలోకి వెళ్లింది. అక్కడే అద్దంలో తన ముఖం చూసుకోగా.. ఒళ్లంతా దద్దులు రావడం గుర్తించింది. సెకను సెకనుకి.. శరీరమంతా ఎర్రబడటాన్ని గుర్తించిన ఆమె వెంటనే ఎపిపెన్‌ను తీసుకుని ఇంజెక్ట్ చేసుకుంది. ఎపిపెన్ అంటే తీవ్రమైన అలెర్జీ ప్రతిచర్యలను ఎదుర్కోవడానికి అడ్రినలిన్‌ను ఇంజెక్ట్ చేసే పరికరం. దీని వల్ల ఆమె ఆరోగ్య పరిస్థితి కాస్త మెరుగైనా ఆమె ఆస్పత్రికి వెళ్లడం అత్యవసరం. ఇలా వెంటనే అంబులెన్స్‌కు ఫోన్ చేసి ఆస్పత్రికి వెళ్లిన తనకు.. తన ప్రాణాల మీదకు వచ్చిన రోగానికి కారణం ముద్దేనని తెలిసింది.

అయితే ఫోబ్‌కు ముందు నుంచి అనాఫిలాక్సిస్ అనే తీవ్రమైన అలెర్జీ ఉంది. ఈ క్రమంలోనే ఆమె కొన్ని గింజలను తినకూడదు. అయితే ఫోబ్ ముద్దు పెట్టుకున్న వ్యక్తి సాయంత్రం ఆ గింజలను తినడం వల్ల.. ఆయనను ముద్దు పెట్టుకున్నప్పుడు అతడి లాలాజలం ఈమె నోట్లోకి రావడంతో.. అలెర్జీ వచ్చింది. దీని వల్లే ఆమె ప్రాణాల మీదకు వచ్చింది. అయితే ముద్దు వల్ల ఇంత జరుగుతుంది అని తెలియని ఫోబ్.. అతడిని ముద్దు పెట్టుకుని చావు అంచుల వరకు వెళ్లి వచ్చిన విషయాన్ని ఇటీవలే తెలిపింది. అలెర్జీ ఉన్న వాళ్లు జాగ్రత్తగా ఉండాలని.. ముద్దుకు కూడా దూరంగా ఉండాలని తెలిపింది.