ఈ అలవాట్లు మీకు శ్రీరామరక్ష.. ఇవి ఉంటే చెడ్డవారు కూడా మిమ్మల్ని ఏం చేయలేరు.

పరిస్థితులు ఎలా ఉన్నా సరే జీవితంలో ఎల్లప్పుడూ సంతోషంగా ఉండాలని ప్రతి ఒక్కరూ కోరుకుంటారు. అయితే, డబ్బు, ఆస్తులు, పరపతి ఉన్నా కొందరూ సంతోషంగా ఉండలేరు. నిజంగా ఆనందం అనేది మనం బయట కోరుకునే సౌకర్యాలు, వసతులు కావు. సంతోషంగా ఉండటం అనేది జీవితంలో మనం చేర్చుకోగల ఒక అలవాటు, ఆలోచన. మనం ఏదైనా రిలేషన్‌లోకి ఎంటరైనప్పుడు ఇతరుల మీద ఆధారపడతాం. వారిలో మన ఆనందాన్ని కోరుకుంటాం.

అయితే, పరిస్థితులు కొన్ని సార్లు ప్రతికూలంగా మారతాయి. ఇలాంటప్పుడు చాలా మంది మానసికంగా చాలా ఇబ్బంది పడతారు. అంతేకాకుండా కొందరు మనల్ని నాశనం చేయడానికి ఎదురు చూస్తుంటారు. అయితే, కొన్ని అలవాట్లు మనం అలవాటు చేసుకుంటే పరిస్థితులు ఎలా ఉన్నా, మనల్ని నాశనం చేయాలనుకునేవారు మన పక్కనే ఉన్నా.. అవి మనల్ని ఏం చేయలేవు. ఎలాంటి పరిస్థితుల్లోనైనా సరే మిమ్మల్ని సంతోషంగా ఉంచే అలవాట్లు ఏంటో ఇక్కడ తెలుసుకోండి.

మిమ్మల్ని మీరు ఉత్సాహపర్చుకోండి..

చాలా మంది తమ కంఫర్ట్ జోన్ వదిలి బతికేస్తారు. ఇతరుల కోసం, ఇతరుల్ని మెప్పించడం కోసం జీవితాన్ని లీడ్ చేస్తారు. దీంతో.. మన ఆనందం ఇతరుల చేతిలో వెళ్లిపోతుంది. కానీ, నిజమైన ఆనందం కావాలంటే.. ముందుగా మిమ్మల్ని మీరు ప్రేమించడం నేర్చుకోండి. మిమ్మల్ని మీరు ఉత్సాహపర్చుకుంటేనే హాయిగా ఉండగలుగుతారు. ఇందుకోసం పెద్దగా చేయాల్సిన పనిలేదు. ఇష్టమైన పాట వినడం, పుస్తకాన్ని చదవడం, ఎవరికైనా సాయం చేయడం వంటి పనులు చేయండి. ప్రతి రోజూ మిమ్మల్ని సంతోషంగా, ఉత్సాహంగా ఉంచే పనులు ఏవైనా సరే చేసేయండి.

పాజిటివ్ థింకింగ్..

జీవితంలో సానుకూలంగా ఆలోచించడం చాలా ముఖ్యం. చాలా మంది నెగటివ్ థింకింక్‌తో లైఫ్ లీడ్ చేస్తారు. ఈ పని చేస్తే ఏం జరిగిపోతుంది.. ఇతరులు ఏం అనుకుంటారు అని గిరి గీసి బతికేస్తారు. అదే.. అరే ఏమవుతుందిలే అన్న సానుకూల ఆలోచన మిమ్మల్ని సంతోషంగా ఉంచుతుంది. ప్రతి క్షిష్ట సమయంలో కూడా నేను బయటపడగలను.. ఇదే ఏం చేస్తుంది అన్న ఆలోచన అలవాటు చేసుకోండి. పాజిటివ్ థింకింగ్ ఉంటే ఏ చెడు కూడా మీ దరి చేరదు.

చిరునవ్వు..

ఓ చిన్న నవ్వుతో గొడవల్ని, యుద్ధాల్ని ఆపొచ్చంటారు మానసిక నిపుణులు. చిరునవ్వు యొక్క శక్తిని మీరు తెలుసుకోండి. ఎవరైనా మిమ్మల్ని ఆటపట్టించినప్పుడు లేదా వేధించినప్పుడు వారికి మీ చిరునవ్వే సమాధానం అవ్వాలి. అలాగే, క్లిష్ట పరిస్థితుల్లో కూడా చిరునవ్వుని అలవాటుగా మార్చుకోండి. ముఖంలోని చిరునవ్వు చెడ్డవారి ముందు మీ విజయంగా మారుతుంది.

క్షమించడం..

కోపం మనిషికి అతిపెద్ద శత్రువు. మీకు ఎవరిమీదైనా కోపం ఉన్నప్పుడు అది మిమ్మల్ని లోపల నుంచి బాధపెడుతుంది. అదే.. వారిని మీరు క్షమిస్తే.. మీకు ఏదో తెలియని మానసిక ప్రశాంతం చేకూరుతుంది. అందుకే ఇతరుల తప్పుల్ని క్షమించడం నేర్చుకోండి. ఈ అలవాటు మిమ్మల్ని చెడ్డ వ్యక్తి ప్రభావం నుంచి విముక్తి చేస్తుంది. క్షమించకుండా ఎవరి నాశనాన్ని అయినా కోరుకుంటే మీరు తర్వాత బాధపడాల్సి ఉంటుంది. ఇతురుల్ని క్షమించడం ఓ అలవాటుగా మార్చుకుంటే మీరు సంతోషంగా ఉంటారు.

శారీరక శ్రమ..

కేవలం మానసికంగా సంతోషం ఉంటే సరిపోదు. శరీరాన్ని కూడా హాయిగా, రిలాక్సింగ్‌గా ఉంచుకోవాలి. ఇందుకోసం వ్యాయామాన్ని ఓ అలవాటుగా మార్చుకోండి. లేదంటే ఇంటి పనులు చేయండి. ఉదహరణకు ఇంటి పనుల్లో భాగస్వామికి హెల్ప్ చేయడం, గార్డెనింగ్, ఇల్లు క్లీన్ చేయడం వంటి పనులు చేయండి. రోజువారీ వ్యాయామం శరీరాన్ని ఫిట్‌గా ఉంచడమే కాకుండా మీ మానసిక ఆరోగ్యాన్ని కూడా సూపర్ ఛార్జ్ చేస్తుంది. డ్యాన్స్, యోగా, వాకింగ్ వంటి వ్యాయామాల్ని అలవాటు చేసుకోండి.