గ్యాస్ కారణంగా ఏది తిన్నా కడుపులో గందరగోళంగా ఉందా..? ఈ చిట్కాలతో మీ సమస్యలన్నింటికి పుల్‌స్టాప్..

ప్రస్తుత లైఫ్‌స్టైల్, అనారోగ్యకర ఆహారపు అలవాట్లతో చాలా మంది రకరకాల ఆరోగ్య సమస్యలతో బాధపడుతున్నారు. ఇక, టైమ్‌కి తినకపోవడం, ఇష్టమొచ్చింది తినడం వల్ల చాలా మంది గ్యాస్, అజీర్తి సమస్యలకు గురవుతున్నారు. గ్యాస్ సమస్య ఉంటే ఉబ్బరం, ఏదీ తినాలని అనిపించకపోవడం వంటి సమస్యలు తలెత్తుతాయి. గ్యాస్ట్రిక్ సమస్యల కారణంగా తీవ్రమైన కడుపునొప్పి, గుండెల్లో మంట కూడా వచ్చే ప్రమాదముంది. గ్యాస్ సమస్య వల్ల కడుపులో గందరగోళం ఏర్పడుతుంది. దీంతో.. తీవ్రమైన నొప్పి, ఇబ్బంది కలుగుతాయి. అయితే, కొన్ని ఇంటి చిట్కాలతో మీ సమస్యలకు చెక్ పెట్టవచ్చని ఆయుర్వేద నిపుణులు చెబుతున్నారు. ఆ చిట్కాలేంటో ఇక్కడ తెలుసుకుందాం.

హెర్బల్ టీ..

గ్యాస్ట్రిక్ సమస్యలతో వల్ల కడుపులో గందరగోళంగా ఉంటుంది. కడుపు నొప్పి కూడా ఉంటుంది. ఈ నొప్పి నుంచి ఉపశనం పొందడానికి హెర్బల్ టీ బెస్ట్ ఆప్షన్. ఇది జీర్ణక్రియకు చాలా మంచిది. గ్యాస్ నియంత్రణలో చాలా సాయపడుతుంది. మెంతులు, అల్లం, చామంతి, పుదీనా ఆకులు, తులసి వంటి వాటితో చేసిన హెర్బల్ టీలు గ్యాస్ నొప్పి తగ్గించడానికి దోహదపడతాయి. ఈ టీలు తాగడం వల్ల జీర్ణ సమస్యలకు చెక్ పెట్టవచ్చుని ఆయుర్వేద నిపుణులు చెబుతున్నారు.

మెంతులు..

మెంతుల్ని తీసుకోవడం వల్ల జీర్ణ సమస్యల నుంచి ఉపశమనం పొందవచ్చు. వీటిలో యాంటీ ఇన్ఫ్లమేటరీ, యాంటీ ఆక్సిడెంట్స్ లక్షణాలు ఉంటాయి. ఈ లక్షణాలు అపానవాయువు, కడుపు నొప్పి, ఉబ్బరంతో పాటు ఇతర పొట్ట సమస్యలన్ని తగ్గించడంలో ప్రభావవంతంగా పనిచేస్తాయి. మెంతులు జీర్ణవ్యవస్థ యొక్క లైనింగ్‌ను రక్షించడంలో సహాయపడతాయని కొన్ని అధ్యయనాలు సూచిస్తున్నాయి. జీర్ణ సమస్యలతో బాధపడేవారు మెంతుల్ని డైరెక్ట్‌గా లేదా వంటల్లో ఉపయోగించవచ్చు. అంతేకాకుండా మెంతుల్ని మరిగించి.. ఆ నీటిని తాగినా ఈ సమస్యల నుంచి ఉపశమనం లభిస్తుంది.

పుదీనా ఆకులు..

పుదీనా ఆకులు ఆరోగ్యానికి ఎంతో మేలు చేస్తాయి. గ్యాస్, అజీర్తి, ఉబ్బరం, కడుపు నొప్పి సమస్యల్ని తగ్గించడానికి పుదీనా చక్కటి పరిష్కారం. పుదీనాలోని ఔషధ గుణాలు.. జీర్ణ సమస్యలను దూరం చేయడానికి సహాయపడతాయి. ప్రతి రోజూ ఉదయం పుదీనా ఆకులు నమిలితే మంచి ఫలితాలుంటాయి. లేదంటే పుదీనా టీ తాగినా కడుపు ఉబ్బరం, గ్యాస్, వికారం సమస్యలు దూరం అవుతాయి. పుదీనా కడుపు ఉబ్బరం, జీర్ణ సమస్యలకు తక్షణ ఉపశమనం ఇస్తుంది. కడపు నొప్పిని తగ్గించే శక్తి పుదీనాలో ఉంది. ఛాతీలో మంట, కడుపు నొప్పి వంటి సమస్యలకు పుదీనా బెస్ట్ ఆప్షన్ అంటున్నారు ఆయుర్వేద నిపుణులు.

లవంగం నూనె..

లవంగం నూనె గ్యాస్ సమస్యలను తగ్గించడంలో ప్రభావవంతంగా పనిచేస్తుంది. ఇది అపానవాయువు, గ్యాస్, కడుపు ఉబ్బరం, అజీర్తి వంటి మొదలైన జీర్ణ సమస్యలకు చికిత్స చేయగలదు. అంతేకాకుండా లవంగం నూనె అల్సర్‌లతో పోరాడడంలో సహాయపడుతుంది. ఇది జీర్ణ ఎంజైమ్‌లను ప్రోత్సహిస్తుంది. దీంతో పేగుల్లో ఉత్పత్తి అయ్యే గ్యాస్ సమస్యను తగ్గించుకోవచ్చు. కడుపు నొప్పి తక్షణ ఉపశమనం లభిస్తుంది.

యాపిల్ సైడర్ వెనిగర్..

కడుపులో గ్యాస్ సమస్య నుంచి బయటపడటానికి ఆపిల్ సైడర్ వెనిగర్ తాగవచ్చు. ఇది పొట్టలో ఏర్పడే ఎసిడిటీ నుంచి ఉపశమనాన్ని కలిగిస్తుంది. ఇందుకోసం ఉదయాన్నే ఒక గ్లాస్ గోరువెచ్చని నీటిని తీసుకోండి. ఇందులో ఒక చెంచా ఆపిల్ సైడర్ వెనిగర్ కలపండి. ఆ తర్వాత ఖాళీ కడుపుతో ఈ నీటిని తాగాలి. దీంతో గ్యాస్ట్రిక్ సమస్యలు, ఎసిడిటీ, ఉబ్బరం, కడుపు నొప్పి వంటి సమస్యల నుంచి రిలీఫ్ పొందవచ్చని నిపుణులు అంటున్నారు.