పైనాపిల్‌‌ని ఇలా తీసుకుంటే బాడీలోని చెత్త బయటికి రావడమే కాదు.. గుండెకి కూడా చాలా మంచిది

పైనాపిల్, అల్లం కాంబినేషన్.. ఇది వినడానికి వింతగా ఉన్నా చాలా హెల్దీ అండి బాబు.. ఈ కాంబినేషన్ రుచిలో ఎంత టేస్టీగా ఉంటుందో.. దీని వల్ల కలిగే అంతకంటే బాగుంటాయి. వీటి గొప్ప గుణాలు తెలుసు కాబట్టే.. డైటీషియన్స్ ఈ కాంబినేషన్‌ని సూపర్ ఫుడ్ అంటారు.

పైనాపిల్‌లో ఖనిజాలు, విటమిన్స్ పుష్కలంగా ఉంటాయి. ఇది మీ రోజువారీ విటమిన్ బి6, కాపర్, థయామిన్, ఫోలేట్, పొటాషియం, మెగ్నీషియం, నియాసిన్, రిపోఫ్లేవిన్, ఐరన్, విటమిన్ సి, మాంగనీస్ స్థాయిలను పెంచుతుందని చెబుతున్నారు. ఇక అల్లంలో జింజెరాల్ అనే శక్తివంతమైన యాంటీ ఇన్‌ఫ్లమేటరీ, యాంటీ ఆక్సిడెంట్ గుణాలు ఉన్నాయి. దీనిని తీసుకోవడం వల్ల మార్నింగ్ సిక్‌నెస్ తగ్గుతుంది. అల్లం కడుపుకి చాలా మంచిది. కడుపుకి సంబంధించిన సమస్యల్ని దూరం చేస్తేంది. కండరాల నొప్పుల్ని కూడా తగ్గిస్తుంది. ఇక ఈ రెండింటిని కలిపి తీసుకోవడం వల్ల కలిగే లాభాలేంటో తెలుసుకోండి.

జీర్ణ సమస్యలు..

అల్లంలో జింజెరాల్ అనే యాంటీ ఇన్‌ఫ్లమేటరీ గుణాలు ఉన్నాయి. ఇది కడుపులో ఇన్‌ఫ్లమేషన్ తగ్గించి గట్ హెల్త్‌ని బాగు చేస్తుంది. ఇందులోని ఇన్‌ఫ్లమేటరీ గుణాలు బౌల్ మూమెంట్స్‌ని సరిచేస్తాయి. ఈ రెండింటి కలయికలో ఎంజైమ్స్ జీర్న సమస్యల్ని దూరం చేసి జీర్న వ్యవస్థని కాపాడతాయి.

పైనాపిల్ తింటే ఈ సమస్యలన్నీ దూరం..

డీటాక్స్..

పైనాపిల్‌లోని బ్రోమెలైన్, అల్లంలోని జింజెరోల్స్ శరీరంలో మంటని తగ్గిస్తాయి. అదే విధంగా, ఈ రెండు కూడా బాడీని డీటాక్స్ చేస్తాయి. దీంతో కడుపులోని అనవసరమైన టాక్సిన్స్‌ అన్నీ కూడా బయటికి వచ్చేస్తాయి. పైనాపిల్‌లోని డైటరీ ఫైబర్ గట్ హెల్త్‌ని కాపాడతాయి.​

గుండె ఆరోగ్యం..

పైనాపిల్‌లో ఎక్కువగా పొటాషియం ఉంటుంది. దీనిని తీసుకోవడం వల్ల బ్లడ్ ప్రెజర్ తగ్గుతుంది. ఇక అల్లంలోని గుణాలు బ్లడ్ ప్రెజర్‌ని, కొలెస్ట్రాల్ లెవల్స్‌ని తగ్గిస్తాయి. దీంతో గుండె ఆరోగ్యం మెరుగవుతుంది. గుండె సమస్యలు రావు.

బరువు తగ్గడం..

అల్లంలోని గుణాలు బరువు తగ్గించడంలో ముందుంటాయి. దీనిని తీసుకోవడం వల్ల మెటబాలిజం పెరుగుతుంది. ఆకలి తగ్గుతుంది. పైనాపిల్, అల్లాన్ని కలిపి తీసుకుంటే హైడ్రేట్‌గా ఉంటారు. పైనాపిల్‌లో కేలరీలు తక్కువగా ఉంటాయి. ఈ రెండింటి కలయిక మన ఆరోగ్యాన్ని కాపాడడంలో కీ రోల్ పోషిస్తాయి.

ఇమ్యూనిటీ..

మన బాడీలో వచ్చే సమస్యల్ని దూరం చేయడంలో ఇమ్యూనిటీ కీ రోల్ పోషిస్తుంది. అందుకే ఇమ్యూనిటీని పెంచే ఫుడ్స్ తీసుకోవాలి. అల్లంలో పైనాపిల్‌ని కలిపి తీసుకుంటే ఇందులోని విటమిన్ సి ఇమ్యూనిటీని బలంగా మారుస్తుంది. దీంతో ఇన్ఫెక్షన్స్ దూరమవుతాయి. సీజన్ చేంజ్ అయ్యేటప్పుడు వచ్చే సమస్యలు దూరమవుతాయి.

ఎలా తీసుకోవాలి..

జ్యూస్..ఇక ఈ రెండింటిని ఎలా తీసుకోవాలనే ఆలోచన వచ్చే ఉంటుంది చాలా మంది. దీనిని హ్యాపీగా మనం జ్యూస్‌లా చేసుకోవచ్చు. పైనాపిల్ ముక్కలో చిన్న ముక్క అల్లం వేసి మిక్సీ పట్టి దీనిని వడగట్టుకుని ఎంజాయ్ చేయడమే. టీ..ఈ రెండింటిని టీలా చేసుకోవచ్చు. అందుకోసం పైనాపిల్ పీల్స్‌ని కూడా వాడుకోవచ్చు. వీటిలో లో కేలరీలు, యాంటీ ఇన్‌ఫ్లమేటరీ గుణాలు ఉంటాయి. ఈ తొక్కల్ని క్లీన్ చేసి తొక్కలు, కొద్ది అల్లం ముక్కల్ని నీటిలో వేసి మరిగించి వడగట్టుకుని తాగడమే. టేస్ట్ అద్భుతంగా కూడా ఉంటుంది. సలాడ్స్..పైనాపిల్, అల్లంని సలాడ్స్‌లో వేసి తీసుకోవచ్చు. అక్కడక్కడ పైనాపిల్ ముక్కలు తగులుతుంటే ఏ సలాడ్ అయినా చాలా టేస్టీగా ఉంటుంది. డ్రెసింగ్స్.. మీరు ఏవైనా నాన్‌వెజ్ వంటలు వండినా, సలాడ్స్ చేసినా పైనా డ్రైస్సింగ్‌లా వీటిని తీసుకోవచ్చు. దీని వల్ల టేస్ట్ బాగుంటుంది. హెల్త్‌కి కూడా చాలా మంచిది.