బరువు తగ్గాలని ఆపిల్ సైడర్ వెనిగర్ తాగుతున్నారా.. ఈ సమస్యలొస్తాయి జాగ్రత్త

ఆపిల్ సైడర్ వెనిగర్ దీనినే షార్ట్‌కట్‌లో ACV అంటారు. దీనిని చాలా మంది వాడతారు. ఆపిల్ జ్యూస్‌ని పులియబెట్టి దీనిని తయారు చేస్తారు. ఇది తాగడానికి కాస్తా పుల్లని, వగరుగా ఉంటుంది. ఇది చూడ్డానికి కాస్తా గోల్డెన్ కలర్‌లో ఉంటుంది. ఈ డ్రింక్‌ని తీసుకోవడం వల్ల చాలా హెల్త్ బెనిఫిట్స ఉంటాయి. హెల్దీ వేలోనే బరువు తగ్గాలనుకునేవారు ఈ డ్రింక్‌ని తీసుకుంటారు. దీనిని ఉదయాన్నే గోరువెచ్చని నీటిలో కలిపి తీసుకుంటారు. అయితే, దీనిని సరైన విధంగా, తీసుకోవాలి. లేదంటే దీని వల్ల సమస్యలు కూడా వచ్చే అవకాశం ఉంది. అవేంటో తెలుసుకోండి.

కిడ్నీ సమస్యలు..

ఆల్రెడీ కిడ్నీ సమస్యలు ఉన్నవారు ఈ డ్రింక్‌ని తీసుకోవద్దు. దీనిని తీసుకోవడం వల్ల మూత్రపిండాలు ఎక్కువగా ఉన్న యాసిడ్‌ని ప్రాసెస్ చేయలేకపోవచ్చు. కాబట్టి, ఈ సమస్యలున్నవారు ఈ డ్రింక్‌ని తాగకపోవడమే మంచిది.

ఎముకల సమస్యలు..

ఎక్కువ పరిమాణంలో ఆపిల్ సైడర్ వెనిగర్‌ని ఎక్కువ రోజులు తీసుకోవడం వల్ల రక్తంలో పొటాషియం లెవల్స్ తగ్గుతాయి. ఎముకలకి సమస్యగా మారుతుంది. రెగ్యులర్‌గా ఆపిల్ సైడర్ వెనిగర్ తీసుకోవడం వల్ల ఎముకలు బలహీనమవుతాయని గుర్తించారు. కాబట్టి, ఈ డ్రింక్ తాగేవారు ఈ సమస్యల్ని కూడా గుర్తించాలి. ఈ డ్రింక్ తాగే ముందు డాక్టర్ సలహా తీసుకోవడం మంచిది.

కడుపు నిండుగానే ఉండడం..

ఆపిల్ సైడర్ వెనిగర్ తీసుకోవడం వల్ల మనం తీసుకున్న ఆహారం కడుపు నుంచి కింది జీర్ణవ్యవస్థకి లేటుగా వెళ్తుంది. దీని వల్ల రక్తప్రవాహానికి పోషకాలు ఆలస్యంగా అందుతాయి. కడుపులో ఆహారం చాలాసేపటి వరకూ అలానే ఉంటుంది. కడుపులోని నరాలు పనిచేయకపోవడం వల్ల కడుపు త్వరగా ఖాళీ అవ్వదు.

అన్నవాహికకి సమస్యగా..

ఈ డ్రింక్‌ని రెగ్యులర్‌గా తాగితే అన్నవాహికకి మంట పుడుతుందని చెబుతున్నారు. ఎక్కువగా తీసుకోవడం వల్ల అన్నవాహికకి సమస్యగా మారుతుంది. దీంతో ఆహారాన్ని మింగడంలో సమస్యగా ఉంటుంది. ఇది మరీ ముఖ్యంగా ఆపిల్ సైడర్‌ని నీటిలో కలపకుండా తాగడం.. ఎక్కువమోతాదులో ఆపిల్ సైడర్‌ని అలానే రెగ్యులర్‌గా తాగడం వల్ల అన్నవాహికక మంట పుడతుంది. దీంతో పాటా అసిడిటీ ఏర్పడుతుందని నిపుణులు చెబుతున్నారు. దీంతోపాటు కడుపుకి సంబంధించిన సమస్యలొస్తాయి. స్టమక్ అప్సెట్ అవ్వడం, మంట, బ్లోటింగ్ సమస్యలొస్తాయి.

దంతాల ఎనామిల్ దెబ్బతినడం..

ఈ ఆపిల్ సైడర్ వెనిగర్‌ని 2 టేబల్ స్పూన్స్‌ కప్పు వాటర్‌లో కలిపి రెండు సార్లు తీసుకుంటే లాభాలుంటాయని అధ్యయనాలు చెబుతున్నాయి. అయితే దీని తాగేటప్పుడు దంతాలకి తగలడం వల్ల ఎనామిల్ దెబ్బతింటుందని అధ్యయనాలు చెబుతున్నాయి. దీంతో దంతాలు బలహీనమవుతున్నాయని చెబుతున్నారు.

బరువు పెరగడం..

ఆపిల్ సైడర్ వెనిగర్‌లో ఎక్కువగా పంచదార ఉంటుంది. దీనిని ఎక్కువగా రెగ్యులర్‌గా తీసుకుంటే బరువు తగ్గడం సంగతి అటుంచితే బరువు పెరుగుతారు. కాబట్టి, బరువు తగ్గేందుకు వాడే వారు ముందుగా నిపుణుల సలహా తీసుకునే ఆ తర్వాత ఈ డ్రింక్‌ని తాగాలి.