గ్రీన్ టీ కంటే హెల్దీ టీ.. తాగితే అధికబరువుతో పాటు ఈ సమస్యలన్నీ దూరం

చలికాలంలో సాధారణంగా మిగతా సీజన్స్‌తో పోలిస్తే ఎక్కువ మంది బరువు పెరుగుతారు. దీనికి కారణం పెరిగిన చలికి ఎక్సర్‌సైజ్ చేయకపోవడం. బద్ధకంగా ఉండడం, చలిలో వేడివేడి ఆయిలీ ఫుడ్స్ ఎంజాయ్ చేయడం.. ఇలా బోలెడు కారణాల వల్ల సాధారణంగా బరువు పెరుగుతారు. మరి ఇలా పెరిగిన బరువుకి చలికాలంలో దొరికే ఉసిరితోనే ఎలా చెక్‌పెట్టొచ్చో తెలుసుకోండి.

ఉసిరే ఎందుకు?

ఉసిరికాయలు చలికాలంలో ఎక్కువగా వస్తాయి. వీటిలో ఎన్నో అద్భుత మెడిసినల్ గుణాలు ఉంటాయి. ఆయుర్వేదం ప్రకారం.. ఉసిరి తీసుకోవడం వల్ల శరీరంలోని వాత, పిత్త, కఫ దోషాలన్నీ మాయమవుతాయి. అందుకే, వీటిని ఆయుర్వేద మందుల్లో ఎక్కువగా వాడతారు. వీటిని తీసుకోవడం వల్ల మన ఆరోగ్యంతో పాటు ఫిట్‌నెస్‌కి కూడా హెల్ప్ అవుతుంది. దీని పుల్లని, వగరు రుచిని ఆస్వాదించేందుకు చాలా మంది ఇష్టపడతారు. దీనిని ఎక్కువగా అలానే తీసుకుంటారు. కొంతమంది జ్యూస్‌లా చేసుకుని తీసుకుంటారు. అయితే, చక్కని హెర్బల్ టీని ఎంజాయ్ చేయాలనుకుంటే మీరు ఉసిరితో కూడా హెర్బల్ టీ చేసుకుని తాగొచ్చు. దీని వల్ల మెటబాలిక్ రేట్ పెరుగుతుంది. బరువు కూడా త్వరగా తగ్గుతారు.

బీపి తగ్గేందుకు..

ఉసిరిలో పొటాషియం ఎక్కువగా ఉంటుంది. ఇవి బాడీలో సోడియం లెవల్స్‌ని తగ్గిస్తాయి. దీంతో బీపి తగ్గుతుంది. అదే విధంగా, ఉసిరి ఫ్రీ రాడికల్స్‌కి వ్యతిరేకంగా పనిచేసి ఇన్‌ఫ్లమేషన్‌ని తగ్గిస్తాయి. దీంతో ప్యాంక్రియాటైటిస్ సమస్య రాకుండా చూస్తాయి.

గుండెకి మంచిది..

కొంతమందికి అదే పనిగా గుండెల్లో మంటగా ఉంటుంది. అలాంటి వారు ఈ టీని తీసుకుంటే సమస్య తగ్గుతుంది. గుండె ఆరోగ్యం కూడా మెరగవుతుంది. ఇందులో యాంటీ ఆక్సిడెంట్స్ గుణాలు ఎక్కువగా ఉంటాయి. దీనిని తీసుకోవడం వల్ల వృద్ధాప్య లక్షణాలు తగ్గుతాయి. అంతేకాకుండా ఉసిరి సారం బ్లడ్ షుగర్ లెవల్స్‌ని కంట్రోల్ చేస్తుంది.

బరువు తగ్గడం..

​ఉసిరి రసం, ఉసిరి ఎక్ట్స్‌ట్రాక్స్‌లోని గుణాలు మెటబాటిజాన్ని పెంచుతాయి. దీని వల్ల త్వరగా బరువు తగ్గుతారు. ఉసిరిలో ఫైబర్ ఎక్కువగా ఉంటుంది. దీంతో మలబద్దకం దూరమవుతుంది. జీర్ణ సమస్యలు తగ్గుతాయి. గట్ హెల్త్ బాగుంటుంది. దీనిని మనం రెగ్యులర్‌గా టీలా చేసుకుని తాగితే బరువు తగ్గడానికి హెల్ప్ అవుతుంది. దీంతో బాడీ డీటాక్సీఫై అవుతుంది. అదే విధంగా, ఇందులో యాంటీ ఆక్సిడెంట్స్, ఫైటోన్యూట్రియెంటస్ ఎక్కువగా ఉంటాయి. ఇవి బ్రెయిన్ సెల్స్‌ని డ్యామేజ్ చేసే ఫ్రీ రాడికల్స్‌కి వ్యతిరేకంగా పనిచేస్తాయి.

గ్రీన్ టీ కంటే మేలు..

సాధారణంగా గ్రీన్ టీని హెల్దీ అని చాలా మంది తాగుతుంటారు. అయితే, ఈ ఉసిరి టీ గ్రీన్ టీ కంటే చాలా హెల్దీ ఇందులో గ్రీన్ టీ కంటే ఎక్కువగా యాంటీ ఆక్సిడెంట్స్ ఉంటాయని చెబుతున్నారు నిపుణులు. ఇందులో విటమిన్ సి ఎక్కువగా ఉంటుంది. ఇన్ఫెక్షన్స్ నుంచి మనల్ని మనం కాపాడుకోవచ్చు.

ఎలా చేయాలి..

ఉసిరితో టీ చేసేందుకు ఓ గిన్నెలో 2 కప్పుల నీరు పోయండి. నీరు వేడి కాగానే అందులో ఉసిరి తురుము 1 టీ స్పూన్ వేయాలి. 2 తులసి ఆకులు 1 టీ స్పూన్ డ్రై ఆమ్లా పౌడర్ వేయండి. ఇవన్నీ బాగా కలిసేలా కలపండి. దీనిని వడపోసుకుని అందులో కొద్దిగా తేనె, కొద్ది నల్ల మిరియాల పొడి వేసుకుని రోజూ తాగండి.

జీలకర్ర కూడా..

ఇదే టీలో మీరు కావాలనుకుంటే కొద్దిగా జీలకర్ర కూడా వేయొచ్చు. అర టీస్పూన్ వేయాలి. షుగర్ ఉన్నవారు తాగాలనుకుంటే తేనె, పంచదార లేకుండా తాగితే షుగర్ లెవల్స్ మేనేజ్ అవుతాయి.