మా మన్మోహన్ సింగ్‌నే అలా అంటావా.. పాక్ మాజీ ప్రధాని నవాజ్ షరీఫ్‌పై మోదీ ఫైర్

భారత మాజీ ప్రధాని మన్మోహన్ సింగ్‌ దేశానికి చేసిన సేవల గురించి ప్రత్యేకంగా చెప్పాల్సిన అవసరం లేదు. ఆయన కాంగ్రెస్ పార్టీకి చెందిన వారైనా సరే ఇతర పార్టీల నేతలు కూడా ఆయనను ఇష్టపడతారు. ముఖ్యంగా ప్రస్తుత ప్రధాన మంత్రి నేరేంద్ర మోదీకి మన్మోహన్ సింగ్ అంటే చాలా ఇష్టం. అనేక సార్లు ఆయన.. సింగ్‌పై ప్రేమను వ్యక్తం చేశారు. ముఖ్యంగా మన్నోహన్ సింగ్ గురించి ఎవరైనా తప్పుగా మాట్లాడితే అస్సలే క్షమించకపోయేవారు. 2013లో పాకిస్థాన్ మాజీ ప్రధాని నవాజ్ షరీఫ్... మన్మోహన్ సింగ్‌పై తీవ్ర వ్యాఖ్యలు చేశారు. ఆడపిల్ల అంటూ వ్యాఖ్యానించారు. దాన్ని తట్టుకోలేకపోయిన మోదీ.. గట్టిగా సమాధానం చెప్పారు. ఆ పూర్తి విశేషాలు ఏంటో మనం ఇప్పుడు తెలుసుకుందాం.

ప్రస్తుత ప్రధాని నరేంద్ర మోదీకి మన్మోహన్ సింగ్ అంటే మొదటి నుంచి చాలా ఇష్టం. ఆయన ప్రతిపక్షంలో ఉన్నప్పటికీ.. ఎప్పుడూ తన మనసులోని ప్రేమాభిమానాల్ని బయటకు చూపించేవారు. ముఖ్యంగా మన్మోహన్ సింగ్‌ను ఎవరైనా ఏమైనా అంటే అస్సలే ఊరుకునే వారు కాదు. ప్రస్తుతం మన్మోహన్ సింగ్ తీవ్ర అనారోగ్యం పాలై గురువారం రోజు చనిపోవడంతో.. ఆయనపై ఉన్న ప్రేమను మరోసారి గుర్తు చేసుకుంటున్నారు. ఈక్రమంలోనే మోదీకి మన్మోహన్ సింగ్ అంటే ఎంత ఇష్టమో తెలిపే ఓ వీడియో నెట్టింట తెగ వైరల్ అవుతోంది.

2013వ సంవత్సరంలో పాకిస్థాన్ మాజీ ప్రధాన మంత్రి నవాజ్ షరీఫ్.. భారత మాజీ ప్రధాని మన్మోహన్ సింగ్‌పై తీవ్ర వ్యాఖ్యలు చేశారు. ఆయన పల్లెటూరి అమ్మాయి లాంటి వారంటూ ఘాటు కామెంట్లు చేశారు. అప్పుడు మన్మోహన్ సింగ్ ఎంపీగా పని చేస్తున్నారు. అదే సమయంలో నరేంద్ర మోదీ గుజరాత్ ముఖ్యమంత్రిగా బాధ్యతలు నిర్వహిస్తున్నారు. ఈక్రమంలోనే నవాజ్ షరీఫ్ చేసిన వ్యాఖ్యలు తెలుసుకున్న మోదీ తీవ్రంగా స్పందించారు. మా ప్రధాన మంత్రినే అలా అనడానికి మీకెంత ధైర్యం అంటూ నవాజ్ షరీఫ్‌పై నిప్పులు చెరిగారు.

125 కోట్ల మంది జనాభా ఉన్న దేశానికి.. మన్మోహన్ సింగ్ ప్రధాని అని మోదీ చెప్పుకొచ్చారు. అంత పెద్ద స్థాయిలో ఉన్న అతడిని పల్లెటూరి అమ్మాయి అని సంబోధించడాన్ని మేము తీవ్రంగా ఖండిస్తున్నామని తెలిపారు. ఎంత ధైర్యం ఉంటే తమ దేశాధినేత గురించి అలా మాట్లాడతారంటూ పాకిస్థాన్ మాజీ ప్రధానిపై నిప్పులు చెరిగారు. మరోసారి ఇలాంటి వ్యాఖ్యలు చేస్తే అస్సలే ఊరుకోమని గట్టి వార్నింగ్ కూడా ఇచ్చారు. ఆ తర్వాత కూడా ప్రధాని చాలా సార్లు మన్మోహన్ సింగ్‌కు పనిపై ఉన్న నిబద్ధత గురించి పొగడ్తల వర్షం కురిపించారు.