రోజూ ఈ పసుపు పండు తింటే చాలు.. సిరల్లో పేరుకుపోయిన కొలెస్ట్రాల్ కరుగుతుంది

ఆరోగ్యమే మహాభాగ్యం ఉంటారు. ప్రస్తుత బిజీ లైఫ్ స్టైల్‌, వాతావరణ పరిస్థితుల్లో ప్రతి ఒక్కరూ ఆరోగ్యంగా ఉండటం చాలా కీలకం. ఇక, చాలా మంది అధిక కొలెస్ట్రాల్ సమస్యతో బాధపడుతున్నారు. శరీరంలో కొలెస్ట్రాల్ ఉండటం మంచిదే. అయితే.. ఆ కొలెస్ట్రాల్ ఎక్కువ అయితే శరీరానికి ముప్పు పొంచి ఉంటుంది. ప్రస్తుత జీవనశైలి, పొల్యూషన్, అనారోగ్యకర ఆహారపు అలవాట్లతో చాలా మంది అధిక కొలెస్ట్రాల్ సమస్యతో బాధపడుతున్నారు. కొలెస్ట్రాల్ రెండు రకాలు ఉంటుంది. ఒకటి చెడు కొలెస్ట్రాల్, రెండు మంచి కొలెస్ట్రాల్ . మన శరీరంలో చెడ్డ కొలెస్ట్రాల్‌ (ఎల్‌డీఎల్‌) ఎక్కువైతేనే ప్రమాదం. చెడు కొలెస్ట్రాల్‌ ఎక్కువగా ఉంటే.. గుండె జబ్బులు, స్ట్రోక్, గుండెపోటు, హైపర్‌టెన్షన్‌ వచ్చే ప్రమాదం ఎక్కువగా ఉంటుంది.

అందుకే చెడు కొలెస్ట్రాల్ నియంత్రించడం చాలా కీలకం. శరీరంల చెడు కొలెస్ట్రాల్ తగ్గించడం కోసం ఆహారంతో పాటు జీవనశైలిలో మార్పులు చేసుకోవాలి. చెడు కొలెస్ట్రాల్ స్థాయిల్ని తగ్గించేందుకు కొన్ని పండ్లను ఆహారంలో భాగం చేసుకోవాలి. అలాంటి ఫ్రూట్స్‌లో అరటి పండు ఒకటి. అరటి పండు చెడు కొలెస్ట్రాల్‌ని తగ్గించడంలో సాయపడుతుంది. చెడు కొలెస్ట్రాల్‌ను తగ్గించడానికి అరటి పండు ఎలా ఉపయోగపడుతుందో ఇక్కడ తెలుసుకుందాం.

అరటి పండుతో ఆరోగ్య ప్రయోజనాలు..

​​అరటి పండులో పోషకాలు పుష్కలంగా ఉన్నాయి. ఇందులో ప్రోటీన్, కార్బోహైడ్రేట్, ఫాస్పరస్, విటమిన్ ఎ, ఐరన్, పొటాషియం ఉన్నాయి. పొటాషియం.. అనేక రకాల దీర్ఘకాలిక వ్యాధుల నుంచి శరీరాన్ని రక్షిస్తుంది. అలాగే అరటిలో సహజ చక్కెర ఎక్కువగా ఉంటుంది. ప్రతి రోజూ తినడం వల్ల శరీరానికి తక్షణ శక్తి లభిస్తుంది. అరటి పండు శరీరానికి ఎనర్జీ బూస్టర్‌లా పనిచేస్తుంది. అంతేకాకుండా వ్యాయామాలు, జిమ్ చేసేవారు అరటిపండును తినడం వల్ల అనేక ఆరోగ్య ప్రయోజనాలు పొందుతాయి. జీర్ణశక్తిని బలోపేతం చేయడం, బరువు తగ్గడం, బరువు పెరగడం, బలమైన ఎముకలు, శక్తి స్థాయిలను పెంచడం, గుండెను ఆరోగ్యంగా ఉంచడం, రక్తంలో చక్కెరను నియంత్రించడం వంటి అనేక ప్రయోజనాలను అరటిపండు అందిస్తుంది.

చెడు కొలెస్ట్రాల్ తగ్గించడంలో అరటి పండు..

అరటిపండు తీసుకోవడం వల్ల శరీరంలోని చెడు కొలెస్ట్రాల్ స్థాయిని తగ్గించడంలో చాలా ఉపయోగకరంగా ఉంటుంది. అరటి పండులో ఫైబర్, యాంటీ ఆక్సిడెంట్లు పుష్కలంగా ఉంటాయి. ఇవి శరీరంలో చెడు కొలెస్ట్రాల్, ట్రైగ్లిజరైడ్ స్థాయిలను తగ్గించడంలో సహాయపడతాయి. ధమనులలో పేరుకుపోయిన కొవ్వును కరిగించి బయటకు పంపడంలో సహాయపడుతుంది. అరటి పండులో పొటాషియం కూడా ఉంటుంది, ఇది అధిక రక్తపోటును నియంత్రించడంలో సహాయపడుతుంది. దీని రెగ్యులర్ వినియోగం శరీరంలో మంటను తగ్గించడంలో కూడా సహాయపడుతుంది. ఇది గుండె సంబంధిత వ్యాధుల ప్రమాదాన్ని తగ్గిస్తుంది.

అరటి పండును ఎలా తినాలి?

​శరీరంలో చెడు కొలెస్ట్రాల్ స్థాయిని తగ్గించడానికి, మీరు అరటిని అనేక విధాలుగా తినవచ్చు. అరటి పండును నేరుగా తిన్నా శరీరానికి ఎంతో మేలు చేస్తుంది. నేరుగా తినడం ఇష్టం లేకపోతే.. అరటిపండు షేక్ లేదా స్మూతీని తయారు చేసి కూడా తినవచ్చు. ఇక, అధిక కొలెస్ట్రాల్‌తో బాధపడేవారు పచ్చి అరటి కాయలు చాలా ఉపయోగకరంగా ఉంటాయి. వీటిని కూరగా చేసుకుని ఆహారంలో భాగం చేసుకోవచ్చు.

అరటి పండు ఎప్పుడు తినాలి?

ఉదయాన్నే అల్పాహారంలో అరటి పండును భాగం చేసుకోవచ్చు. బ్రేక్‌ఫాస్ట్‌లో తినడం వల్ల మీకు కడుపు నిండిన భావన వేస్తుంది. దీంతో ఆకలి తగ్గుతుంది. ఇది బరువు తగ్గడానికి సాయపడుతుంది. అదనంగా కొలెస్ట్రాల్‌ను కూడా తగ్గించుకోవచ్చు. అయితే, అరటి పండ్లను ఎక్కువగా తినకూడదు. అరటి పండ్లను పరిమిత పరిమాణంలో తినాలని గుర్తించుకోండి. రోజుకు ఒకటి లేదా రెండు తినడం ఆరోగ్యానికి మేలు. ఒకవేళ డయాబెటిస్‌తో బాధపడుతుంటే మాత్రం వైద్యుణ్ని సంప్రదించడం మేలు.

అధిక కొలెస్ట్రాల్ ఉంటే ఈ ఆహారాలకు నో చెప్పండి..

నూనెలో వేయించిన ఆహారాలు

* ఐస్ క్రీమ్, డెజర్ట్, బేకరీ ఫుడ్

* గుడ్డు పచ్చసొన

* శుద్ధి చేసిన ఆహారాలు

* రెడ్ మీట్

* వీటి బదులు కొలెస్ట్రాల్ ఉన్నవారు ఆహారంలో తృణధాన్యాలు చేర్చుకోవాలి. వీటితో పాటు ఆరోగ్యకరమైన జీవనశైలి, చిన్నపాటి వ్యాయామాలు కొలెస్ట్రాల్ పెరగకుండా దోహదపడతాయని నిపుణులు అభిప్రాయపడుతున్నారు.